స్వలింగ సంపర్కుల వివాహానికి చట్టబద్ధత కల్పించలేం

భారత శిక్షా స్మృతి లోని సెక్షన్ 377ను డీక్రిమినలైజ్ చేయడం వల్ల  స్వలింగ సంపర్కుల వివాహంపై  గుర్తింపు ఇవ్వాలని కోరకూడదని తెలిపింది. సహజంగా విజాతీయుల మధ్య జరిగే వివాహానికే గుర్తింపు ఉంటుందని, చరిత్ర మొత్తం చూసినా ఇదే ప్రమాణం కనిపిస్తుందని పేర్కొంది. రాజ్యం మనుగడకు ఇది పునాది అని వివరించింది.

అలాగే స్వలింగ వివాహ కేసుల్లో గృహహింస చట్టంతో సహా అనేక చట్టపరమైన నిబంధనలను అమలు చేయడం సాధ్యం కాదని చెప్పింది. వారిని భర్త, భార్య గుర్తించబోమంది. స్వలింగ వివాహాన్ని ఆమోదిస్తూ చట్టం చేయలేమని పేర్కొంది. దేశంలోని వివిధ హైకోర్టుల్లో స్వలింగ వివాహాల పిటిషన్లు దాఖలయ్యాయి.

ఒక స్త్రీని మరొక స్త్రీ పెళ్లి చేసుకున్నపుడు, పురుషుడు మరొక పురుషుడిని వివాహం చేసుకున్నపుడు ఆ వివాహానికి చట్టపరమైన చెల్లుబాటు కల్పించాలని కోరుతూ ఢిల్లీ హైకోర్టు సహా వివిధ హైకోర్టులలో దాఖలైన పిటిషన్లను కలిపి, జనవరి 6న సుప్రీంకోర్టు న్యాయమూర్తి సీజేఐ డీవై చంద్రచూడ్‌, జస్టిస్‌ పీఎస్‌ నరసింహ, జేబీ పార్దివాలాలతో కూడిన ధర్మాసనానికి బదిలీ చేసుకున్నది.

ఈ మేరకు సుప్రీంకోర్టు ఆయా పిటిషన్లపై కేంద్రానికి నోటీసులు జారీ చేయగా, ఈ మేరకు కేంద్రం అఫిడవిట్‌ దాఖలు చేసింది. పెళ్లి అనేది హిందూ ఆచారంలో ఓ పవిత్ర క్రతువు. ముస్లింల ఆచారం ప్రకారం అదో ఒప్పందం(కాంట్రాక్ట్). స్వలింగ వివాహాన్ని గుర్తించమని పిటిషనరు కోరడానికి లేదు. స్వలింగ జంట కలిసి జీవించడాన్ని ఐపిసి సెక్షన్ 377 ప్రకారం నేరంగా గుర్తించకపోయినప్పటికీ వారి వివాహానికి చట్టబద్ధత లేదు.