హోమియో వైద్యులు డాక్టర్‌ పావులూరి కృష్ణచౌదరి మృతి

కృష్ణ చౌదరి భార్య సుందర రాజేశ్వరి 2010లో కన్నుమూశారు. ఈ దంపతులకు ఇద్దరు కుమారులు, ఒక కుమార్తె. పెద్ద కుమారుడు 18 ఏళ్ల వయస్సులోనే మృతి చెందారు. రెండో కుమారుడు డాక్టర్‌ నరేంద్రనాథ్‌ అమెరికాలో డాక్టర్‌ గా సేవలను అందిస్తున్నారు. వీరి ఏకైక కుమార్తె అపర్ణ కూడా డాక్టర్‌గా పనిచేస్తూ హైదరాబాద్‌లో నివాసముంటున్నారు. హౌమియో వైద్య నిపుణురాలిగా పేరుగాంచారు.

ఎంబిబిఎస్‌ చదివిన కృష్ణ చౌదరి హౌమియో వైద్య వ్యాప్తికి అపార కృషి చేశారు. లండన్‌ వెళ్లి హౌమియో వైద్య విద్యను అభ్యసించి పట్టభద్రుడయ్యారు. స్వదేశానికి తిరిగివచ్చి జీవితమంతా పూర్తిగా హౌమియో వైద్యం అభివృద్ధికి కృషి చేశారు. తెలుగు రాష్ట్రాల్లో హౌమియో వైద్యంతో అపర ధన్వంతరిగా కృష్ణ చౌదరి పేరుపొందారు.