కరోనా నిబంధనలు పాటించలేక పోతే జోడి యాత్ర ఆపేయండి రాహుల్

 భారత్‌ జోడో యాత్ర కారణంగా తమ రాష్ట్రంలో కరోనా వ్యాప్తి చెందే ప్రమాదముందని ఆందోళన వ్యక్తం చేస్తూ రాజస్థాన్‌కు చెందిన ముగ్గురు ఎంపీలు డిసెంబర్‌ 20వ తేదీన కేంద్ర ఆరోగ్య శాఖ మంత్రి మన్‌సుఖ్‌ మాండవీయకు లేఖ రాశారు. ఇటీవల యాత్రలో పాల్గొన్న హిమాచల్‌ ప్రదేశ్‌ ముఖ్యమంత్రి సుఖ్విందర్‌ కరోనా బారిన పడినట్లు కేంద్ర మంత్రి దృష్టికి తీసుకెళ్లారు.

 యాత్రలో కరోనా నిబంధనలు పాటించేలా చూడాలని, మాస్కులు, శానిటైజర్లు ఉపయోగించాలని, వ్యాక్సిన్‌ వేసుకున్నవారినే యాత్రకు అనుమతించాలని వారు కోరారు. ఈ లేఖపై స్పందించిన కేంద్ర మంత్రి.. రాహుల్‌ గాంధీకి లేఖ రాశారు.  తమిళనాడులోని కన్యాకుమారిలో సెప్టెంబరు 7న రాహుల్ గాంధీ ప్రారంభించిన భారత్ జోడో యాత్రం ఇటీవలే 100 రోజులు పూర్తి చేసుకుంది. డిసెంబరు 24 ఢిల్లీలోకి ప్రవేశించనుంది. డిసెంబర్ 25 నుంచి జనవరి 2 వరకూ వారం రోజుల పాటు యాత్రకు విరామం ఇవ్వనున్నారు.