బండి సంజయ్ పాదయాత్ర ఇదో  విడత నేటితో పూర్తి 

ముఖ్యంగా రాష్ట్రంలోని పార్టీ పోలింగ్ బూత్ కమిటీ సభ్యులంతా ఈ సభలో పాల్గొనే విధంగా ప్రణాళిక రూపొందించడంతోపాటు వారి రవాణకు ప్రత్యేక ఏర్పాట్లు చేస్తున్నారు. ఉత్తర తెలంగాణ జిల్లాల నుండి అధిక సంఖ్యలో ప్రజలు తరలివచ్చే అవకాశాలు కన్పిస్తున్నాయి.  ఈ బహిరంగ సభను విజయవంతం చేయడం ద్వారా రాష్ట్రంలో అధికారంలోకి రాబోయేది బీజేపీయేననే సంకేతాలను పంపాలని భావిస్తున్నారు.

తెలంగాణ ఉద్యమం ఉవ్వెత్తున ఎగిసి కేసీఆర్ గ్రాఫ్ అమాంతంగా పెరగడానికి బీజం వేసింది కరీంనగరే. ఎక్కడైతే కేసీఆర్ కు రాజకీయ భవిష్యత్తుకు అగ్రపీఠం వేసిన కరీంనగర్ లోనే సభను విజయవంతం చేయడం ద్వారా బీఆర్ఎస్ పనైపోయిందనే సంకేతాలు ప్రజల్లోకి పంపాలని ప్రయత్నిస్తున్నారు.

తెలంగాణ ప్రజలంతా స్వచ్ఛందంగా తరలిరావాలని ఈ సందర్భంగా సంజయ్ పిలుపునిచ్చారు.   కేసీఆర్ కుటుంబ-అవినీతి-నియంత పాలనకు వ్యతిరేకంగా సంజయ్ కుమార్ గత 4 విడతల్లో చేపట్టిన పాదయాత్ర 13 ఎంపీ, 48 అసెంబ్లీ, 21 జిల్లాల మీదుగా సాగింది. మొత్తం 1178 కి.మీలు నడిచారు.

తెలంగాణలో రాజకీయ పరిస్థితులు ఎలా ఉన్నాయని, సంజయ్‌ పాదయాత్ర ఎలా జరుగుతోందని ప్రశ్నించారు. దీంతో సంజయ్‌ యాత్రకు ప్రజల్లో మంచి ప్రతిస్పందన లభిస్తోందని లక్ష్మణ్‌ చెప్పగా, ‘మంచిది’ అంటూ మోదీ ప్రశంసించారు.  పాదయాత్రకు ప్రజల్లో లభించిన ప్రతిస్పందన గురించి తనకు నివేదిక కావాలని మోదీ కోరారు.ఈ నివేదిక ఆధారంగా పవర్‌ పాయింట్‌ ప్రజంటేషన్‌ కూడా రూపొందించాలని, పార్లమెంటరీ పార్టీ సమావేశంలో కూడా దానిని ప్రదర్శించాలని సూచించారు.

తెలంగాణలో పార్టీకి లభిస్తున్న ప్రతిస్పందన ఇతర ప్రాంతాలకు కూడా తెలిస్తే ప్రేరణగా ఉంటుందని మోదీ పేర్కొన్నారు. కాగా, సంజయ్‌ పాదయాత్రలో వివిధ వర్గాల నుంచి పెద్ద ఎత్తున వినతులు వస్తున్నాయని, టీఆర్‌ఎస్‌ ప్రభుత్వంపై ఉన్న వ్యతిరేకత వ్యక్తమవుతోందని కూడా లక్ష్మణ్‌ వివరించారు. ఈ సందర్భంగా ప్రధాని మోదీ తెలంగాణ రాష్ట్ర రాజకీయాల గురించి కూడా ఆరా తీసినట్లు సమాచారం.