మీ పరిస్థితి చూస్తుంటే గుండె తరుక్కుపోతోంది

‘‘గుండెగాం ప్రజల బాధలు వింటే గుండె తరుక్కుపోతోంది. వానొస్తే ఊరంతా మునిగిపోతున్నా ముఖ్యమంత్రి కేసీఆర్ కు సోయి లేదు. కమీషన్ల కోసం ప్రగతి భవన్, సచివాలయం కట్టుకుంటడు. కాళేశ్వరం కడతడు… కమీషన్లు రావని గుండెగాం ప్రజలను గాలికొదిలేసిండు. అయినా 250 కుటుంబాలను ఆదుకోలేనోడు… తెలంగాణను ఏం కాపాడతాడు?’’అని బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ ప్రశ్నించారు.

 కేసీఆర్ కు పేదలంటే అలుసని, కేసులు పెట్టి బెదిరిస్తూ వేధిస్తూనే ఉంటాడని ధ్వజమెత్తారు. గుండెగాం ప్రజలు బాధపడొద్దని, బీజేపీ పూర్తి అండగా ఉంటూ పోరాటం చేస్తుందని భరోసా ఇచ్చారు. వెంటనే గుండెగాం బాధితులను అన్ని విధాలా ఆదుకోవాలని, లేనిపక్షంలో కేసీఆర్ సంగతి చూస్తామని హెచ్చరించారు.

తెలంగాణలో పేదోళ్ల రాజ్యం రావాలి. పేదోళ్ల రాజ్యం వస్తేనే, మీ సమస్యలు పరిష్కారం అవుతాయని చెప్పారు.  వర్షం వస్తే ఈ గుండెగాం గ్రామం మునిగిపోతుందని ఇక్కడి తమ్మ”ళ్లు నిన్న నాకు చెప్పినారు. మీ ఊరికి వచ్చి మీ సమస్యలు తెలుసుకుంటానని నిన్న చెప్పిన. అందుకే ఇప్పుడు మీ ఊరికి వచ్చాను. వర్షం వస్తే పడవలు వేసుకుని తిరగాల్సిన పరిస్థితి ఉంది” అని ఆందోళన వ్యక్తం చేశారు.

ఇక్కడ డబుల్ బెడ్ రూమ్ ఇండ్లను ఎంత నాణ్యతా లోపంతో నిర్మించారో చూశాం. ముట్టుకుంటే పడిపోయే పరిస్థితి ఉంది. ఆర్ అండ్ ఆర్ ప్యాకేజ్, ఇండ్లు కట్టిమ్మని మీరు అడుగుతున్నారు… మీ తరుపున ప్రభుత్వం పై పోరాటం చేస్తాం అంటూ భరోసా ఇచ్చారు.

ఇక్కడ చదువుకున్న పిల్లలకు ఉద్యోగాలు కూడా ఇవ్వాలని కేసీఆర్ ను డిమాండ్ చేస్తూరంగారావు ప్రాజెక్ట్ బ్యాక్ వాటర్ తో గుండెగాం గ్రామ మునిగిపోతుందని కనీసం సోయలేని ముఖ్యమంత్రి కేసీఆర్ అని విమర్శించారు. ఇక్కడ 250 కుటుంబాలనే కాపాడలేనోడు… తెలంగాణని ఏం కాపాడుతాడు? అని ప్రశ్నించారు.

 గుండెగాం ప్రజలకు బిజెపి నాయకులు, బిజెపి అండగా ఉంటుందని హామీ ఇస్తూ ఇంకో 6 నెలల తరువాత వచ్చేది బీజేపీనే అని స్పష్టం చేశారు. తమ పార్టీ అధికారంలోకి రాంగనే గుండెగాంను అద్దంలా మెరిపిస్తాం. అన్ని విధాలా ఆదుకుని అభివ్రుద్ధి చేస్తాం అంటూ హామీ ఇచ్చారు.