భారతీయులతో కలిసి కమలా హ్యారిస్ దీపావళి సంబరాలు

అనాదిగా చెడుపై మంచి ఎప్పుడూ విజయం సాధిస్తుందని ఈ సందర్భంగా ట్రంప్ తెలిపారు. సమస్త మానవాళి శాంతి సౌభ్రాతృత్వంతో మెలగాలని ఆకాంక్షించారు. దీప ప్రజ్వలనతో మొదలైన ఈ కార్యక్రమంలో పలు ప్రధాన విషయాలను ట్రంప్ ప్రస్తావించారు. భారతదేశం, అమెరికా దౌత్య సంబంధాలు, పరస్పర సహాయ సహకారాలు ఉన్నత శ్రేణిలో కొనసాగాలని ఆకాంక్షించారు.

అంతేకాకుండా 2016 ఎన్నికల్లో తన వెంట ఉండి బలపరచిన రిపబ్లికన్ హిందూ సమాఖ్య నాయకులను, వారి కుటుంబ సభ్యులను ప్రత్యేకంగా అభినందించారు. భవిష్యత్తులో కూడా ఈ సహకారం ఇలాగే కొనసాగాలని విజ్ఞప్తి చేశారు. తాను అధికారంలోకి వస్తే.. సమాఖ్య సభ్యులను ప్రభుత్వ కార్య నిర్వహణలో భాగస్వాములను చేస్తానని హామీ ఇచ్చారు. షల్లీ కుమార్‌ను భారత రాయబారిగా నియమించనున్నట్టు తెలిపారు.

భారతదేశం ఎదుర్కొంటున్న సమస్యలపై సానుకూల దృక్పథాన్ని అవలంభించి ఉగ్రవాదం మూలాలను వేరిపారేయడంలో సహాయం చేయనున్నట్టు వెల్లడించారు. భారతీయులు శాంతి కాముకులని, ఎలాంటి పరిస్థితులలోనైనా కష్టపడి సానుకూల దృక్పథంతో సాగే స్వాభావమే ప్రత్యేక గుర్తింపును తెచ్చిపెట్టిందని పేర్కొన్నారు. భారతీయుల పట్ల, హిందువుల సంస్కృతీ, సంప్రదాయాలపట్ల తనకు ఎనలేని గౌరవం ఉందని చెప్పారు.