కేసీఆర్ అహంకారాన్ని బొంద పెట్టడానికే మళ్లీ రాజీనామా ఉద్యమం

తెలంగాణ ఉద్యమాన్ని రగిలించడానికి ఆనాడు రాజీనామా ఉద్యమాన్నిఏవిధంగా రగిలించామో, ఇప్పుడు కేసీఆర్ అహంకారాన్ని బొంద పెట్టడానికి మళ్లీ రాజీనామా ఉద్యమానికి శ్రీకారం చుట్టామని బిజెపి జాతీయ కార్యవర్గ సభ్యుడు, ఎమ్యెల్యే ఈటల రాజేందర్ వెల్లడించారు.  మునుగోడులో ఆదివారం బీజేపీ బూత్ స్థాయి ముఖ్య కార్యకర్తల సమావేశంలో మాట్లాడుతూ  సీఎం కేసీఆర్ ని వచ్చే ఎన్నికలలో ఓడగొట్టడమే తమ ధ్యేయం అని స్పష్టం చేశారు.

 రాజగోపాల్ రెడ్డి కాంట్రాక్టుల కోసం పోయేది ఉంటే ఆనాడు కాంగ్రెస్ నుంచి 12 మంది పోయినప్పుడే పొయ్యేవాడని పేర్కొన్నారు. మునుగోడులో టీఆర్ఎస్ ది దింపుడుకళ్లెం కాడి ఆశలాగా ఉందని తెలిపారు. “భారతదేశంలో జాతీయ పార్టీ పెడతానని అనుకుంటున్నావ్..  యూపీ, బీహార్ కి పొయ్యి సత్తా ఉందా కేసీఆర్” అంటూ ఈటెల ప్రశ్నించారు.

కేసీఆర్ హైదరాబాదులో 20 వేల ఎకరాలు, కాళేశ్వరం మీద రూ. 60 వేల కోట్లు.. మిషన్ భగీరథ మీద రూ. 30 వేల కోట్లు దోచుకున్నాడని ఆయన ఆరోపించారు. రాజగోపాల్ రెడ్డి రాజీనామా అనేది ఒక త్యాగం, ఈ రాజీనామా మునుగుడు ప్రజలకు లాభం మాత్రమే రాజగోపాల్ రెడ్డికి కాదని మాజీ ఎంపీ, బీజేపీ నేత కొండ విశ్వేశ్వర్ రెడ్డి చెప్పారు.

 మునుగోడులో సంక్షేమ పధకాల ద్వారా లబ్ది పొందితే అది రాజగోపాల్ రెడ్డి పుణ్యమే అవుతుందని తెలిపారు.ష్ట్రంలో రానున్నది బీజేపీ ప్రభుత్వమేనని స్పష్టం చేస్తూ అందుకు ప్రతి కార్యకర్త కృషి చేయాలని పిలుపునిచ్చారు.