నాసల్ వ్యాక్సిన్ కు డీసీజీఐ అనుమతి

కొద్దిపాటి మార్పులు చేసిన చింపాంజీ అడినోవైరస్‌ వెక్టార్‌ సాయంతో ఈ టీకాను అభివృద్ధి చేసినట్లు సంస్థ తెలిపింది. సెయింట్‌ లూయిస్‌లోని వాషింగ్టన్‌ యూనివర్సిటీ భాగస్వామ్యంతో ప్రత్యేకంగా టీకా అభివృద్ధి చేసినట్లు వివరించింది. ఈ టీకాను నాసికా రంధ్రాల ద్వారా తీసుకోవాల్సి ఉంటుంది.

ముక్కు ద్వారా ఇచ్చే వ్యాక్సిన్‌కు అత్యవసర అనుమతులు మంజూరు కావడంపై భారత్‌ బయోటెక్‌ సంస్థ ఎండీ కృష్ణా ఎల్లా సంతోషం వ్యక్తంచేశారు. గ్లోబల్‌ గేమ్‌ ఛేంజర్‌ అయిన తమ చుక్కల మందు ఇన్‌కోవాక్‌కు అనుమతులు లభించడంపై గర్వంగా ఉందని పేర్కొన్నారు. భవిష్యత్‌లో సంభవించే అంటు వ్యాధులను ఎదుర్కొనేందుకు నాసల్‌ వ్యాక్సిన్‌ అభివృద్ధిని కొనసాగిస్తామని చెప్పారు.