బిజెపిలోకి  చౌటుప్పల్ టిఆర్ఎస్ ఎంపీపీ తాడూరి

మునుగోడు అసెంబ్లీ స్థానంకు ఉప ఎన్నిక జరగనున్న నేపథ్యంలో కీలకమైన చౌటుప్పల్ టిఆర్ఎస్ ఎంపీపీ తాడూరి వెంకట్రెడ్డి బీజేపీలో చేశారు. మంగళవారం ఎమ్మెల్యే ఈటెల రాజేందర్ సమక్షంలో వెంకట్ రెడ్డి బీజేపీ కండువా కప్పుకున్నారు.   మాజీ జడ్పీటీసీ, మండల టీఆర్ఎస్ మాజీ అధ్యక్షుడు పెద్దిటి బుచ్చి రెడ్డి, మాజీ సర్పంచ్ ఎడ్ల మహేందర్ రెడ్డి, మాజీ మండల పార్టీ అధ్యక్షుడు కంది లక్ష్మా రెడ్డిలు కూడా రాజేందర్ సమక్షంలో బీజేపీలో చేరారు. 

కాంగ్రెస్, టీఆర్ఎస్ పార్టీలు రెండు ఒక్కటేనని చెబుతూ ఎన్నికల ముందుగానీ తరువాత గానీ రెండు పార్టీలు కలిసిపోవడం ఖాయమని స్పష్టం చేశారు. ఆర్ఎస్ను ఎదుర్కొనే ఏకైక పార్టీ బీజేపీయే అన్న ఈటల.. బీజేపీ కార్యకర్తలు, నాయకులు మనోనిబ్బరం కోల్పోవద్దని సూచించారు. ఇన్నేళ్లు కష్టపడి పనిచేశామని, మరో 6 నెలలు ఇలాగే కష్టపడితే అధికారం మనదే అని భరోసా ఇచ్చారు. 

కూసుకుంట్ల ప్రభాకర్రెడ్డికి మునుగోడు టికెట్ ఇవ్వొద్దన్న అసమ్మతి నేతలను నాయకత్వం వహిస్తూ వెంకట్రెడ్డి గ్రూపు సమావేశం నిర్వహించారు. దానితో భూ వివాదాలతో వెంకట్రెడ్డిపై చౌటుప్పల్ పోలీసులు పలు కేసులు నమోదు చేశారు.

వెంకట్ రెడ్డిని పోలీసులు అరెస్ట్ చేసేందుకు ప్రయత్నించడంతో సోమవారం అర్ధరాత్రి కలకలం రేపింది. మునుగోడు ఉప ఎన్నికతో అధికార టీఆర్ఎస్ పార్టీలో మరోసారి గందరగోళం నెలకొంది. కూసుకుంట్ల ప్రభాకర్ రెడ్డికి వ్యతిరేకంగా గళం విప్పడంతో పోలీసులు అర్థరాత్రి అరెస్టులకు తెరలేపారు.

ఇదే క్రమంలో హైదరాబాద్, వనస్థలిపురం, తంగిరిళ్ళ అపార్టుమెంట్లో నివాసం ఉంటున్న చౌటుప్పల్ టీఆర్ఎస్ ఎంపీపీ తాడూరు వెంకట్ రెడ్డి ఇంటిని ఎస్వోటీ, సీసీఎస్ పోలీసులు చుట్టుముట్టారు. అరెస్టు చేసేందుకు యత్నించారు. చివరకు వెంకట్‌ రెడ్డి బీజేపీలో చేరడంతో మునుగోడు రాజకీయాలు వేడెక్కాయి.