అవినీతి పరులను జైల్లో వేసేందుకు బిజెపికి అధికారం ఇవ్వండి 

కాళేశ్వరం ప్రాజెక్ట్ కు జాతీయ హోదా ఇవ్వలేదని అడుగుతున్న కేసీఆర్ ప్రాజెక్ట్ లో  జరిగిన అవినీతిపై సమాధానం చెప్పాలని డిమాండ్ చేశారు.

కాళేశ్వరం ప్రాజెక్ట్ ను ఏ డిజైన్ తో కట్టారు? అని కేసీఆర్ ను ప్రశ్నిస్తూ  ఇంజనీరింగ్ లోపంతోనే కాళేశ్వరం ప్రాజెక్ట్ పంపు హౌస్ లు మునిగాయని విమర్శించారు. తెలంగాణలో ప్రతి స్థాయిలో అవినీతి జరుగుతోందని దుయ్యబట్టారు.

తెలంగాణ కోసం ప్రాణ త్యాగం చేసిన వాళ్ళకి నిజమైన నివాళి ఇవ్వాలి అంటే కేసీఆర్ ప్రభుత్వాన్ని తరిమికొట్టాల్సిందే అని షెకావత్ పిలుపిచ్చారు.

స్వాతంత్య్రం కోసం ఆంగ్లేయులకు వ్యతిరేకంగా ఎందరో పోరాటం చేసి, ప్రాణ త్యాగం చేశారని, అదే విధంగా  తెలంగాణ ఉద్యమంలో కూడా అలానే పోరాటం చేసి ప్రాణ త్యాగం చేస్తే… ఇప్పుడు తెలంగాణ ఎలా ఉందో మనం చూస్తున్నామని ఆందోళన వ్యక్తం చేశారు.

తెలంగాణలో రాజులా నియంత పాలన కొనసాగిస్తున్నారని, తెలంగాణ ప్రజల కల నెరవేరలేదని తెలిపారు.  తెలంగాణ ప్రజలు ఎందుకు పోరాటం చేశారో… ఆ కలలు సాకారం కాలేదని పేర్కొన్నారు. తెలంగాణ ప్రజలు మార్పు కోరుకుంటున్నారని చెబుతూ కేసీఆర్ విను… బండి సంజయ్ ఆధ్వర్యంలో తెలంగాణలో బీజేపీ ప్రభుత్వం వస్తుందని ప్రకటించారు. 

మొత్తం 24రోజుల పాటు 328 కిలోమీటర్లు సాగే మూడో విడత ప్రజా సంగ్రామయాత్రలో మొదటి రోజు ఆలేరు, భువనగిరి నియోజకవర్గాల్ల 10.5 కిలోమీటర్ల మేర యాత్ర సాగింది.