డోలో-650 తయారీ సంస్థపై ఐటీ దాడులు

డోలో- 650 తయారీ సంస్థ మైక్రో ల్యాబ్స్‌ లిమిటెడ్‌పై ఐటి శాఖ దాడులు జరిపింది. బెంగళూరులోని రేస్ కోర్సు రోడ్డు లోని ఆ కంపెనీ కార్యాలయంలో దాదాపు 20 మంది అధికారుల బృందం సోదాలు నిర్వహించారు. పన్ను ఎగవేత ఆరోపణల నేపథ్యంలో జరిపిన ఈ దాడుల్లో కార్యాలయంలో కీలక డాక్యుమెంట్లు స్వాధీనం చేసుకున్నట్టు తెలుస్తున్నది. 

అదేవిధంగా, ఢిల్లీ సిక్కిం, పంజాబ్‌, తమిళనాడు, గోవాలతో పాటు దేశవ్యాప్తంగా 40 చోట్ల ఏకకాలంలో సోదాలు జరిపినట్లు సంబంధిత వర్గాలు తెలిపాయి. 200 మందికి పైగా అధికారులు ఈ దాడుల్లో పాల్గొన్నట్లు  ఆ వర్గాలు పేర్కొన్నాయి. మైక్రో ల్యాబ్స్‌ సిఎండి దిలీప్‌ సురానా, డైరెక్టర్‌ ఆనంద్‌ సురానా నివాసాల్లోనూ సోదాలు నిర్వహించినట్లు సమాచారం.

కరోనా వ్యాప్తి ప్రారంభమైనప్పటి నుండి ఈ కంపెనీ రికార్డు స్థాయిలో 350 కోట్ల డోలో-650 టాబ్లెట్లను విక్రయించింది. పారాసెటమాల్ కు పర్యాయ పదంగా మారినట్లు నిపుణులు  పేర్కోన్న సంగతి తెలిసిందే. ఒక్క  ఏడాదిలోనే సుమారు రూ.400 కోట్ల ఆదాయంతో అనేక కంపెనీలను వెనక్కి నెట్టినట్లు సంబంధిత వర్గాలు తెలిపాయి. 

About The Author

Ch. Narendra

See author's posts