తెలంగాణకు సేవలు చేస్తూ ఎన్నో సవాళ్లు ఎదుర్కొంటున్నా

ఈ సందర్భంగా తెలంగాణకు చెందిన పలువురు కళాకారులను గవర్నర్‌ సన్మానించారు. అనంతరం ఆమె పూర్తిగా తెలుగులో మాట్లాడారు. ‘అందరికీ నమస్కారం.. ఈ రాష్ట్రం నాది. నేను ఈ రాష్ట్రానికి గవర్నర్‌ను మాత్రమే కాదు. ఈ రాష్ట్రానికి సహోదరిని’అని ప్రసంగం ప్రారంభించారు.

‘రాష్ట్రపతి, ప్రధాని నాకు ఈ రాష్ట్రానికి సేవ చేయడానికి గొప్ప అవకాశం ఇచ్చారు. నేను కూడా ఆ అవకాశాన్ని చక్కగా సద్వినియోగం చేస్తున్నాను. రాజ్‌భవన్‌ తరపున చాలా కార్యక్రమాలు చేపట్టాము” అంటూ ఆమె వివరించారు.

 రాజ్‌భవన్‌ స్కూల్‌లో భోజన కార్యక్రమం చేపట్టి, కరోనా కాలంలో నిరి్వరామంగా పర్యవేక్షించాం. భద్రాచలం, ఆదిలాబాద్‌లలో ఆదివాసీ ప్రజలతో సహపంక్తి భోజనం చేసి పౌష్టికాహార కిట్‌లను పంపిణీ చేశాం. పేద విద్యార్థులకు ల్యాప్‌టాప్‌లు అందించాం అని ఆమె వివరించారు. ఎందరో త్యాగశీలుల ఫలితమే నేటి స్వేచ్ఛ తెలంగాణ అని, తెలగాణ ఆవిర్భావ దినోత్సవాన్ని సంబరంగా జరుపుకుంటున్నామని ఆమె  పేర్కొన్నారు.

ఈ కార్యక్రమంలో రైస్‌బకెట్‌ చాలెంజ్‌ విసిరిన మంజులతా కళానిధి, తెలుగు సాహిత్యానికి కృషి చేస్తున్న షేక్‌ బడే సాహెబ్‌, వికలాంగుల హక్కుల కార్యకర్త సీహెచ్‌ హిమజ తదితరులను గవర్నర్‌ ప్రత్యేకంగా సత్కరించారు.