గవర్నర్ను రాష్ట్ర ప్రభుత్వం అవమానించింది

ఈ నెల 19న మేడారం జాతరలో గవర్నర్ తమిళిసై పర్యటించారు. ఆమె పర్యటన సందర్భంగా ప్రోటోకాల్ పాటించకుండా గవర్నర్ ను రాష్ట్ర ప్రభుత్వం అవమానించిందని బిజెపి ఎమ్మెల్యే, మాజీ మంత్రి  ఈటల రాజేందర్ విమర్శించారు.  మేడారంలో సమ్మక్క-సారలమ్మలను దర్శించుకునేందుకు వెళ్లిన  గవర్నర్ కు స్వాగతం, వీడ్కోలు పలికేందుకు ఏ ఒక్క మంత్రి గానీ, కనీసం జిల్లా కలెక్టర్, ఎస్పీ వంటి అధికారులు గానీ రాకపోవడం చాలా బాధాకరం అని పేర్కొన్నారు. 

రాష్ట్ర ప్రథమ పౌరురాలి మేడారం పర్యటనలో అధికారులు నిర్లక్ష్యంగా వ్యవహరించారని ఆయన మండిపడ్డారు. ఈ విషయంలో సీఎం కేసీఆర్ ఇప్పటివరకు స్పందించకపోడం దురదృష్టకరమని అంటూ విచారం వ్యక్తం చేశారు. దీన్నిబట్టి చూస్తే ఇదంతా కేసీఆర్ కనుసన్నల్లోనే జరిగిందనే అనుమానం కలుగుతోందని ఆయన విమర్శించారు. 

ఈ సంఘటన ద్వారా రాజ్యాంగ వ్యవస్థలపై కేసీఆర్ కు గౌరవం లేదనే విషయం మరోసారి స్పష్టమైందని ఈటల ధ్వజమెత్తారు. పీఎం మోదీని కేసీఆర్ ఎన్ని మాటలన్నా.. కేసీఆర్ పుట్టిన రోజున మోదీ  తనకు ఫోన్ చేసి విషెస్ చెప్పారని ఈటెల గుర్తు చేశారు. 

కానీ కేసీఆర్ సంస్కారహీనుడని, ఎవరినీ లెక్కచేయడని విమర్శించారు. సీఎం బిజీగా ఉంటే కనీసం మంత్రులనైనా పంపాలి కదా అని ఆగ్రహం వ్యక్తం చేశారు. ఇప్పటికైనా ప్రోటోకాల్ పాటించని అధికారులపై చర్యలు తీసుకోవాలని రాజేందర్  డిమాండ్ చేశారు. 

నిరుద్యోగులను కేసీఆర్ మోసం చేస్తుండు

ఇందులో టీఎస్పీఎస్సీ కేవలం 31 వేల ఉద్యోగాలను మాత్రమే నింపిందని పేర్కొన్నారు. అయితే ఆర్టీసీలో నాలుగున్నర వేల ఉద్యోగాలు నింపామని ప్రభుత్వం చెప్పిందని, ఇది పచ్చి అబద్ధమని ఈటల ధ్వజమెత్తారు. తెలంగాణ  వచ్చిన తర్వాత కనీసం ఒక్కసారి కూడా గ్రూప్ -1, టీచర్ల రిక్రూట్ మెంట్ నోటిఫికేషన్లు విడుదల చేయలేదని పేర్కొన్నారు.