బుర్ఖా లేదా నిఖాబ్ మహిళల అణచివేతకు చిహ్నాలు

హిజాబ్, బుర్ఖా లేదా నిఖాబ్ మహిళల అణచివేతకు చిహ్నాలు అని ప్రముఖ బాంగ్లాదేశ్ రచయిత్రి  తస్లీమా స్పష్టం చేశారు.కర్ణాటక రాష్ట్రంలో రాజుకున్న హిజాబ్ వివాదం దేశంలో ఇతర రాష్ట్రాలకు వ్యాపించిన నేపథ్యంలో తస్లీమా నస్రీన్ ఈ వ్యాఖ్యలు చేశారు. పాఠశాలలు, కళాశాలల్లో యూనిఫాం డ్రెస్ కోడ్ ప్రతిపాదన గురించి తస్లీమా నస్రీన్ మాట్లాడుతూ, ‘‘విద్యా హక్కు మతానికి సంబంధించిన హక్కు అని నేను నమ్ముతున్నాను’’ అని ఆమె తెలిపారు.

“హిజాబ్‌ను 7వ శతాబ్దంలో కొంతమంది స్త్రీద్వేషులు పరిచయం చేశారు, ఎందుకంటే ఆ సమయంలో స్త్రీలను లైంగిక వస్తువులుగా పరిగణించేవారు. పురుషులు స్త్రీలను చూస్తే, పురుషులకు లైంగిక కోరిక కలుగుతుందని వారు నమ్ముతారు. కాబట్టి మహిళలు హిజాబ్ లేదా బురఖా ధరించాలి. వారు పురుషుల నుంచి తమను తాము దాచుకోవాలి” అని బంగ్లాదేశ్ రచయిత్రి తస్లీమా పేర్కొన్నారు.

అయితే నేటి  ఆధునిక సమాజంలో  స్త్రీలు పురుషులతో సమానమని, కాబట్టి హిజాబ్ లేదా నిఖాబ్ లేదా బురఖా అణచివేతకు చిహ్నాలని తస్లీమా చెప్పారు. మతం కంటే విద్యే ముఖ్యమని లౌకిక సమాజంలో సెక్యులర్ డ్రెస్ కోడ్ ఉండాలని ఆమె తేల్చి చెప్పారు.ఒక వ్యక్తి యొక్క గుర్తింపు వారి మతపరమైన గుర్తింపుగా ఉండకూడదని తస్లీమా నస్రీన్ వివరించారు.

విద్యార్థులు స్కూల్‌కి వెళ్లేటప్పుడు స్కూల్ యూనిఫాం ధరించి విద్యా సంస్థల క్రమశిక్షణ పాటించాలని ఆమె కోరారు. గురుకుల శిష్యులు కాషాయ కండువా ధరిస్తుంటారని ఆమె చెప్పారహిజాబ్ నెరిసిన వెంట్రుకలను దాచుకోవడానికి ఉపయోగిస్తారని ఆమె పేర్కొన్నారు.‘‘హిజాబ్ ఒక పర్దా. మిమ్మల్ని చెడు దృష్టితో చూసే వారిపై పర్దాను ఉపయోగించాలి. కానీ హిందువులు స్త్రీలను పూజించినందున వారిని చెడు దృష్టితో చూడరు’’ అని ప్రగ్యాసింగ్ చెప్పారు.

‘‘ఇక్కడ స్త్రీలను పూజించడం సనాతన సంస్కృతి. స్త్రీల స్థానానికి ప్రాధాన్యం ఉన్న ఈ దేశంలో హిజాబ్ ధరించడం అవసరమా? భారతదేశంలో హిజాబ్ ధరించాల్సిన అవసరం లేదు.’’ అని బీజేపీ ఎంపీ వివరించారు.‘‘మదర్సాలలో హిజాబ్ ధరించండి. కానీ మీరు దేశవ్యాప్తంగా ఉన్న అన్ని పాఠశాలలు, కళాశాలల క్రమశిక్షణకు భంగం కలిగిస్తే.. దానిని సహించేది లేదు’’ అని ప్రగ్యా సింగ్ ఠాకూర్ హెచ్చరించారు.