ప్రముఖ దర్శకుడు, నటుడు భారతీరాజా కన్నుమూత

ఈ విషాదాన్ని భారతీరాజా తట్టుకోలేకపోయారని కుటుంబ సభ్యులు, సన్నిహితులు చెబుతుంటారు.  గత ఏడాది శ్వాసకోశ సంబంధిత సమస్యలు, ఉబ్బసం కారణంగా చెన్నైలోని ఎంజీఎం ఆస్పత్రిలో ఆయనను ఐసీయూలో చేర్చి చికిత్స అందించారు. అనంతరం కోలుకున్న ఆయనకు వైద్యులు ఇంటి వద్దే విశ్రాంతి తీసుకోవాలని సూచించారు.  

‘సీతాకోకచిలుక’ చిత్రానికి తెలుగులో ఉత్తమ చిత్రంగా జాతీయ పురస్కారం దక్కగా, 1981లో అదే చిత్రానికి ఉత్తమ దర్శకుడిగా నంది అవార్డు అందుకున్నారు. 1986లో తెరకెక్కించిన ‘ముధల్ మరియాథై’ మూవీకి జాతీయ ఉత్తమ తమిళ సినిమా అవార్డు లభించింది. 1996లో ‘అంతిమంతారై’ సినిమాకు మరోసారి జాతీయ ఉత్తమ తమిళ సినిమా పురస్కారం దక్కింది. భారతీయ సినీ రంగానికి ఆయన చేసిన సేవలను గుర్తించిన కేంద్ర ప్రభుత్వం 2004లో పద్మశ్రీ పురస్కారంతో సత్కరించింది. 2014లో సైమా లైఫ్‌టైమ్ అచీవ్‌మెంట్ అవార్డును అందజేసి ఆయన కృషిని గౌరవించింది.