నెహ్రు, ఇందిరా హయాంలోనే భారత్ భూభాగాలు కోల్పోయింది!

గాల్వాన్ లోయలో చైనా సైన్యంతో జరిగిన ఘర్షణలో భారత ఒక అంగుళం భూభాగం కూడా కోల్పోలేదని స్పష్టం చేస్తూ  జవహర్‌లాల్ నెహ్రూ,  ఇందిరా గాంధీ పాలనలోనే  భారత భూభాగాన్ని పొరుగు దేశాలు అక్రమంగా ఆక్రమించాయని రక్షణ మంత్రి రాజ్‌నాథ్ సింగ్ స్పష్టం చేశారు. పైగా, గాల్వన్ ఘర్షణలో చైనా సైన్యం 38-50 మంది సైనికులను కోల్పోయిందని ఆస్ట్రేలియా వార్తా కథనాన్ని ఉటంకిస్తూ కాంగ్రెస్ నేత రాహుల్ గాంధీ ఆరోపణలను తిప్పికొట్టారు.

“గాల్వాన్‌లో మరణించిన మన సైనికుల సంఖ్య చైనా మరణాల కంటే ఎక్కువగా ఉందని అతను చెప్పాడు. చైనా అధికారిక పత్రిక అయిన గ్లోబల్ టైమ్స్ నుండి వచ్చిన వార్తలను మనం అంగీకరించాలా? గాల్వాన్‌లో మరణించిన చైనా సైనికుల సంఖ్య 38 నుండి 50 మధ్య ఉండవచ్చని నిన్న ‘క్లాక్సన్’ అనే ఆస్ట్రేలియన్ వార్తాపత్రిక సొంత పరిశోధన అనంతరం  నివేదించింది” అంటూ పంజాబ్  లోని ”అని ముకేరియన్ అసెంబ్లీ నియోజకవర్గంలో బిజెపి అభ్యర్థికి ఎన్నికల ప్రచారంలో ప్రసంగిస్తూ హోషియార్‌పూర్ జిల్లాలోని తల్వారాలో సింగ్ రక్షణ మంత్రి వెల్లడించారు.

గాల్వాన్‌లో చైనా సైనికులతో భారత సైనికులు పోరాడుతున్నప్పుడు, ఢిల్లీలో చైనా రాయబారితో రాహుల్‌ మాట్లాడుతున్నాడని గుర్తు చేస్తూ గాల్వాన్‌లో ఒక్క అంగుళం భూమిని కూడా చైనా ఆక్రమించుకోవడానికి అనుమతించలేదని సింగ్ ఆయన పేర్కొన్నారు.

“నేను అతనికి చరిత్రను గుర్తు చేయాలనుకుంటున్నాను. జవహర్‌లాల్ నెహ్రూ భారత ప్రధానిగా ఉన్నప్పుడు షక్స్‌గామ్ లోయను చైనాకు అప్పగించారని, ఇందిరాగాంధీ ప్రధానిగా ఉన్నప్పుడు పాక్ ఆక్రమిత కాశ్మీర్ మీదుగా కారకోరం హైవే నిర్మించారని ఆయనకు తెలియదా? ఆ సమయంలో ఏ బీజేపీ నాయకుడూ ప్రధానిగా లేరు” అంటూ ఘాటుగా సమాధానం ఇచ్చారు.

బిజెపి నేతృత్వంలోని కేంద్ర ప్రభుత్వ “బలహీనమైన విదేశాంగ” విధానం వల్లే చైనా, పాకిస్తాన్‌లు దగ్గరయ్యాయని రాహుల్ పార్లమెంటులో వ్యాఖ్యానించారని గుర్తు చేసిన కేంద్ర మంత్రి, చైనా-పాకిస్తాన్ ఎకనామిక్ కారిడార్ కూడా 2013లో కేంద్రంలో కాంగ్రెస్ అధికారంలో ఉన్నప్పుడు ప్రారంభించారని ఆయన ఈ సందర్భంగా ప్రస్తావించారు. .

కాగా, ఆప్ ని “బయటి పార్టీ” అని రక్షణ మంత్రి కొట్టిపారేశాడు. “పంజాబ్ పంజాబీల కోసం, ఆప్  కోసం కాదు. కాబట్టి జాగ్రత్తగా ఓటు వేయండి’ అని ఆయన హితవు చెప్పారు.  రాష్ట్రంలో జరుగుతున్న బలిదాన ఘటనలపై కఠినంగా శిక్షించాలని బీజేపీ మాజీ అధ్యక్షుడు పిలుపునిచ్చారు.

మూడు రద్దు చేసిన వ్యవసాయ చట్టాల గురించి, నిరసన చేస్తున్న రైతు నాయకులను ప్రధాని ఒప్పించలేకపోవటం వల్లే ప్రభుత్వం వెనక్కి తగ్గాల్సి వచ్చిందని ఆయన పేర్కొన్నారు. ప్రధాని, అందుకే సున్నితంగా, సానుభూతితో వ్యవహరిస్తున్నారని తెలిపారు.

గురునానక్ దేవ్ సమానత్వం గురించి చేసిన  బోధనలను ఈ సందర్భంగా ఉదహరిస్తూ, సాయుధ దళాలకు పంజాబ్ అందించిన సహకారాన్ని ప్రశంసించారు. దేశాన్ని రక్షించడానికి తమ ప్రాణాలను త్యాగం చేసిన వారిలో ఎక్కువ మంది సైనికులు ఈ  రాష్ట్రానికి చెందినవారేనని కొనియాడారు.