కేటీఆర్ డైరెక్షన్ లోనే దాడి… అరవింద్ ఆరోపణ 

కలెక్టర్ కు ఫోన్ చేసినా స్పందన కరువైందని చెబుతూ దాడి జరిగిన ప్రాంతంలో టీఆర్ఎస్ ప్రజాప్రతినిధులు ఉన్నారని చెప్పారు. హైదరాబాద్ నుంచి 25 మంది ఆయుధాలతో నిజామాబాద్ వచ్చారని ఆరోపించారు. “నా ప్రాణం కాపాడినందుకు నా కార్యకర్తలకు ధన్యవాదాలు” అని తెలిపారు.

పోలీస్ కమిషనర్ నియామకం అయినప్పటి నుంచి కలిసేందుకు ప్రయత్నం చేస్తే సమయం ఇవ్వలేదని ఎంపీ ఆరోపించారు.   పసుపు రైతుల పేరుమీద అడ్డుకునే కుట్ర చేశారని పేర్కొన్నారు. నిన్నటి ఘర్షణకు తమకుకు సంబంధం లేదని పసుపురైతు ఐక్య వేదిక ప్రకటన విడుదల చేసిందని గుర్తు చేశారు. 

దాడికి పాల్పడింది రాము, మ్యూనిరుద్దీన్ అని స్పష్టం చేస్తూ ముస్లిం ప్రజలు పసుపు ఎప్పటినుంచి పండిస్తున్నారో తనకైతే సమాచారం లేదని ఎద్దేవా చేశారు. దాడి జరిగిన స్థలంలో టీఆరెస్ ఎంపిటిసిలు, సర్పంచ్ లు, కార్యకర్తలు ఉన్నారని తెలిపారు. 

ఆర్ముర్ ప్రాంతంలో గంజాయి విచ్చలవిడిగా దొరుకుతోందని.. ఎమ్మెల్యే జీవన్ రెడ్డి వెనుకుండి నడిపిస్తున్నాడని అరవింద్ ఆరోపించారు.   తమను ఎదుర్కోలేకనే టీఆర్ఎస్ పార్టీ దాడులను ప్రోత్సహిస్తోందని మండిపడ్డారు. హీన సంస్కృతికి టీఆర్ఎస్ తెర తీసిందని ధ్వ‌జ‌మెత్తారు. 

వచ్చే ఎన్నికల్లో 50 వేల మెజార్టీతో ఆర్మూర్ టీఆర్ఎస్ ఎమ్మెల్యే జీవన్ రెడ్డిని ఓడిస్తాన‌ని సవాల్ విసిరారు. జీవ‌న్ రెడ్డికి దమ్ముంటే కేసీఆర్ నుంచి టికెట్ తెచ్చుకోవాల‌న్నారు. ఈ దాడిని జాతీయ నాయకత్వం దృష్టికి తీసుకెళ్లామని తెలిపారు. టీఆర్‌ఎస్‌కు ఇక రోజులు దగ్గరపడ్డాయని హెచ్చ‌రించారు.