సంజయ్ కు నేతల పరామర్శ… నడ్డా ర్యాలీకి అనుమతి నిరాకరణ

కరీంనగర్ జిల్లా జైలులో ఉన్న బీజేపీ రాష్ట్ర అధ్యక్షుడు బండి సంజయ్ ను కేంద్రమంత్రి కిషన్ రెడ్డి పరామర్శించారు. ఈ రోజులు ములాఖాత్ లో కిషన్ రెడ్డితోపాటు ఎమ్మెల్యే ఈటల రాజేందర్, మాజీ ఎంపీ వివేక్ వెంకటస్వామి తదితరులు బండిని పరామర్శించారు. జాగరణ దీక్షణ సందర్భంగా జరిగిన పరిణామాలను అడిగి తెలుసుకున్నారు.

 సీఎం కేసీఆర్ ఆదేశాలతోనే పోలీసులు కేసులు పెట్టారని బీజేపీ ఎమ్మెల్యే ఈటెల రాజేందర్ ఆరోపించా రు. సంజయ్ అరెస్ట్‌ను నీచమైన చర్యగా అభివర్ణిస్తూ  ఉద్యోగులను ఇంత ఇబ్బంది పెట్టడం అవసరమా..? అని ఈటల ప్రశ్నించారు.  ఐపీఎస్ ఆఫీసర్ ఇలాంటి నీచమైన పని చేయవచ్చా? అని ఆగ్రహం వ్యక్తం చేశారు. హోంగార్డు డ్యూటీ కూడా సీపీనే చేశారని విమర్శించారు. ఈ ప్రభుత్వాలు శాశ్వతం కాదని సీపీ గుర్తుంచుకోవాలని హితవు చెప్పారు.

మరోవంక, బీజేపీ జాతీయ అధ్యక్షుడు జేపీ నడ్డా ఈ సాయంత్రం హైదరాబాద్ లో సంజయ్ అరెస్ట్ కు నిరసనగా జరుపదలచిన కొవ్వోతుల ర్యాలీకి  పోలీసులు అనుమతి నిరాకరించారు.  జేపీ నడ్డా ర్యాలీకి పోలీసులు అనుమతి లేదని డీసీపీ చందన దీప్తి తెలిపారు. కరోనానిబంధనలను అందరూ పాటించాల్సిందేనని ఆమె స్పష్టం చేశారు. కరోనా నిబంధనలు ఈనెల 10 వరకు ఉన్నాయని పేర్కొంటూ  ఈ నేపథ్యంలో తెలంగాణలో ర్యాలీలు, ధర్నాలకు అనుమతి లేదని ఆమె స్పష్టం చేశారు. 

రాష్ట్ర బిజెపి కార్యాలయంలో మౌనదీక్ష