ఇందులో కరోనా మహమ్మారి సమయంలో పాఠశాలలను మూసివేయడం వల్ల జరిగిన నష్టాన్ని అంచనా వేశారు. ఈ నివేదికకు ‘స్టేట్ ఆఫ్ ది గ్లోబల్ ఎడ్యుకేషన్ క్రైసిస్.. ఏ పాత్ టు రికవరీ రిపోర్ట్’ అని పేరు పెట్టారు. పాఠశాలలపై కరోనా ప్రభావం ఊహించినదాని కంటే భారీగానే ఉందని నిపుణులు పేర్కొన్నారు.
పది ట్రిలియన్ల అమెరిక్‌ డాలర్ల కంటే చాలా ఎక్కువ. మధ్య, తక్కువ ఆదాయ దేశాల్లో 53శాతం మంది విద్య కోసం పోరాడుతున్నారని నివేదిక పేర్కొంది. ఇప్పుడు కొవిడ్‌ మహమ్మారి కారణంగా బడులు మూతడిన తర్వాత ఇది 70 శాతానికి పెరుగనున్నది.
కరోనా సమయంలో ప్రపంచవ్యాప్తంగా ఉన్న దేశాల్లో ప్రభుత్వాలు ప్రకటించిన ఉపశమన ప్యాకేజీలో మూడు శాతం కంటే తక్కువ విద్య కోసం కేటాయించారు. అయితే, ప్రస్తుత సమయంలో దీని కంటే ఎక్కువ అవసరమని నివేదికలో నిపుణులు పేర్కొన్నారు. ఈ పరిస్థితిని ఎదుర్కొనేందుకు విద్యార్థులు తమ స్థాయికి తగ్గట్టుగా ఏర్పాట్లు చేసుకోవాలని, దీంతో పాటు ఉపాధ్యాయులు కూడా ఈ పరిస్థితిని ఎదుర్కొనేందుకు తగిన ఏర్పాట్లు చేయాలని నివేదిక పేర్కొంది.
అమెరికా, బ్రిటన్ లలోని పరిశోధకుల తాజా అధ్యయనాలు సహితం ప్రపంచవ్యాప్తంగా విద్యా పురోగతి, బాలల ఆరోగ్యం, సంక్షేమంలకు పాఠశాల మూసివేత వల్ల కలిగే నష్టాన్ని స్పష్టం చేస్తున్నాయి.
విద్య అనేది ఆరోగ్యాన్ని నిర్ణయించే బలమైన అంశాలలో ఒకటి. దానికి అంతరాయం కలిగించడం వలన ఆరోగ్యం, సంక్షేమం వివిధ మార్గాల్లో ప్రభావితం చేయవచ్చని చెబుతున్నారు. విద్య కోల్పోవడం వల్ల ఆరోగ్యం, జీవితకాలం ప్రతికూలంగా ప్రభావితమవుతుందని వారు అంటున్నారు.
పైగా ఇదే సమయంలో, సోషల్ సపోర్ట్ నెట్‌వర్క్‌లు ఉల్లంఘనెలకు గురవుతున్నాయి. పాఠశాలల ద్వారా నిర్వహించే పాఠశాల ఆరోగ్య సంరక్షణ, సామాజిక రక్షణ విధానాలను బాలలు కోల్పోతున్నారు. శారీరక శ్రమ తగ్గుతుంది. సమాజంలోని అణగారిన వర్గాలలో పాఠశాల భోజనం కోల్పోవడం కారణంగా మొత్తం పోషణలో తీవ్రమైన లోటును కలిగిస్తుంది.
ఇక ఆసుపత్రులలో అత్యవసర విభాగంలలో అన్ని దేశాలలో 64% నుండి 89% వరకు బాలలు చేరడం తగ్గిన్నట్లు పరిశోధకులు కనుగొన్నారు. రెస్పిరేటరీ ఇన్‌ఫెక్షన్‌లు, గాయాలు, కాలిన గాయాలు వంటి రుగ్మతలతో ఆసుపత్రులలో చేరడం తగ్గడమే అందుకు కారణం. అభివృద్ధి చెందిన ప్రపంచంలోని చాలా దేశాల్లో అధ్యయనం ప్రకారం మొత్తం ఆసుపత్రిలలో చేరడం 31% నుండి 86% వరకు తగ్గింది.
More Stories
దేశాన్ని విడగొట్టేందుకు కాంగ్రెస్ కుట్ర
ఏపీ ఇంటెలిజెన్స్ చీఫ్, విజయవాడ సీపీలపై ఈసీ వేటు
భూతాపంతో విస్తరిస్తున్న హిమాలయ సరస్సులు