జగన్ రెడ్డి ప్రభుత్వం మరో కొత్త నాటకానికి తెర తీసింది

పెద్దిరెడ్డి వాఖ్యలు విచారకరం 

అమరావతి రాజధాని కోసం స్వచ్ఛందంగా ఉద్యమిస్తుంటే మంత్రి పెద్దిరెడ్డి రామచంద్రారెడ్డి రైతులపై వ్యంగ్యంగా మాట్లాడడం శోచనీయమని బీజేపీ రాష్ట్ర మాజీ అధ్యక్షుడు కన్నా లక్ష్మీనారాయణ విచారం వ్యక్తం చేశారు. మూడు రాజధానుల చట్టం రద్దు నిర్ణయంపై మంత్రి ఇది ఇంటర్వెల్‌ అని, శుభం కార్డు త్వరలో వేస్తామని ప్రకటించడంపై స్పందించడం పట్ల అభ్యంతరం వ్యక్తం చేశారు. 

ఇంటర్వెల్‌ కాదు మీకు శుభం కార్డును వేసే రోజులు దగ్గర్లోనే ఉన్నాయని కన్నా హెచ్చరించారు. మూడు రాజధానుల ఏర్పాటు ప్రకటన అవగాహనారాహిత్యం, అహంకారంతో తీసుకున్న నిర్ణయమన్నారని వైసీపీ ప్రభుత్వంపై ఆయన మండిపడ్డారు. బీజేపీ మెుదటి నుంచి ఈ నిర్ణయాన్ని వ్యతిరేకిస్తునే ఉందని ఆయన వెల్లడించారు. మూడు రాజధానుల నిర్ణయాన్ని వెనక్కి తీసుకోవడం శుభపరిణామమని ఆయన చెప్పారు.