100 కి.మీల పాదయాత్ర పూర్తి చేసిన బండి సంజయ్

బండి సంజయ్ పాదయాత్రలో నిరుద్యోగ యువతీ యువకులు ఉద్యోగ, ఉపాధి లేక యువకులు తీవ్ర ఇబ్బందులు ఎదుర్కొంటున్నట్లు ఫిర్యాదులు చేశారు. ఈ మేరకు ఎక్కువ వినతి పత్రాలు వచ్చాయి. తక్షణమే ఉద్యోగ నోటిఫికేషన్లు వేయించాలని, నిరుద్యోగ భ్రుతి ఇప్పించేలా ప్రభుత్వంపై ఒత్తిడి తేవాలని యువత పెద్ద ఎత్తున సంజయ్ ను కలిసి కోరుతోంది.

బండి సంజయ్ పాదయాత్రతో బీజేపీలో రాష్ట్రవ్యాప్తంగా ఊహించని జోష్ కనబడుతోంది. పాతబస్తీలోని భాగ్యలక్ష్మీ అమ్మవారి ఆలయం వద్ద నిర్వహించిన ప్రజా సంగ్రామ యాత్ర ఆరంభ సభకు కనీవినీ ఎరగని రీతిలో జనం తరలిరావడంతో రాష్ట్రవ్యాప్తంగా ప్రజల్లో చర్చనీయాంశమైంది. ప్రతిరోజు సగటున 500 మందికి తక్కువ కాకుండా బీజేపీ సంగ్రామ సైనికులు సంజయ్ వెంట నడుస్తున్నారు.