కాగా,  ప్రధానమంత్రి ముద్ర యోజన (పిఎంఎంవై) పథకం కింద తెలంగాణ రాష్ట్రానికి ఇప్పటి వరకు రూ.38,114 కోట్ల రుణాలు మంజూరు చేశామని, ఆ మొత్తం 47,26,819 ఖాతాల్లోకి బదిలీ అయ్యాయని కేంద్ర ఆర్థిక శాఖ సహాయ మంత్రి డాక్టర్ భగవత్ కరాడ్ తెలిపారు.

పిఎంఎంవైలో భాగంగా శిశు, కిషోర్, తరుణ్ పథకాల కింద తెలంగాణ రాష్ట్రానికి ఇప్పటివరకు ఎన్ని ‘ముద్ర’ నిధులు మంజూరయ్యాయి? కేటగిరీల వారీగా పథకం ద్వారా లబ్ది పొందని లబ్దిదారుల వివరాలు, ఈ విషయంలో వచ్చిన ఫిర్యాదులు, ప్రభుత్వం తీసుకున్న చర్యలపై కరీంనగర్ ఎంపి బండి సంజయ్  పార్లమెంట్‌లో అడిగిన ఒక ప్రశ్నకు మంత్రి డాక్టర్ భగవత్ కరాడ్ లిఖితపూర్వక సమాధానమిచ్చారు.

2015 ఏప్రిల్‌లో ప్రధాన మంత్రి ముద్ర యోజన పథకం దేశవ్యాప్తంగా ప్రారంభమైందని, నాటి నుండి నేటి వరకు దేశ వ్యాప్తంగా రూ.15.52 లక్షల కోట్ల రుణాలు మంజూరయ్యాయని పేర్కొన్నారు.