తెలంగాణలో భారీ వర్షాలు, ప్రాజెక్ట్ లలో భారీగా వరద నీరు

భారీ వర్షాలతో ప్రాజెక్టులు జలకళను సంతరించుకున్నాయి. భారీ వర్షాలకు  గోదావరి, కృష్ణా బేసిన్‌లోని ప్రాజెక్టులకు భారీగా వరద వచ్చి చేరుతోంది. వచ్చే మూడు రోజుల్లో తెలంగాణ రాష్ట్రంలో భారీ వర్షాలు కురిసే అవకాశం ఉందని హైదరాబాద్ వాతావరణ శాఖ అధికారులు తెలిపారు.

తూర్పు, పశ్చిమ ప్రాంతాల మధ్య అల్పపీడన ద్రోణి బలహీనపడిందని, అదేవిధంగా వాయువ్య బంగాళాఖాతం పరిసరాల్లో ఆవర్తనం కొనసాగుతుందని అధికారులు పేర్కొన్నారు. సముద్రమట్టానికి 3.1 కిలోమీటర్ల నుంచి 7.6 కిలోమీటర్ల ఎత్తున ఆవర్తనం  ఉందని, వాయువ్య బంగాళాఖాతంలో శుక్రవారం అల్పపీడనం ఏర్పడే అవకాశం ఉందని అధికారులు చెప్పారు.