సరిహద్దుల్లో చైనా మళ్లీ నిర్మాణాలు చేపట్టింది. బలగాల కోసం భవనాలు కడుతోంది. కాంక్రీట్తో శాశ్వత శిబిరాలు ఏర్పాటు చేస్తోంది. ఉత్తర సిక్కింలోని నకు లా ఏరియాకు కొద్ది కిలోమీటర్ల దూరంలోనే చైనా ఈ శిబిరాన్ని కడుతున్నట్లు అధికార వర్గాలు తెలిపాయి. తూర్పు లడఖ్, అరుణాచల్ ప్రదేశ్ లోనూ మన భూభాగానికి దగ్గర్లో శిబిరాలు ఏర్పాటు చేస్తున్నట్లు గుర్తించామని చెప్పాయి.
సరిహద్దుల్లో గొడవలు జరిగినప్పుడు, తమ బలగాలను తొందరగా అక్కడికి పంపేందుకు చైనా ఈ పని చేస్తోందని పేర్కొన్నాయి. డ్రాగన్ కంట్రీ కొన్నేండ్లలో సరిహద్దు వెంట రోడ్లను కూడా నిర్మించిందని వివరించాయి. శాశ్వత శిబిరాల ఏర్పాటుతో చైనా బలం పెరుగుతుందని అధికార వర్గాలు ఆందోళన వ్యక్తం చేశాయి.
చైనా కార్యక్రమాలపై మన దేశ ఏజెన్సీలు కన్నేసి ఉంచాయని చెప్పాయి. సరిహద్దులో చలికాలంలో ఉండే వాతావరణ పరిస్థితులను చైనా బలగాలు తట్టుకోలేకపోతున్నాయి. ఆ పరిస్థితులను అధిగమించి, తమ బలగాలను ఎప్పుడంటే అప్పుడు ఎక్కడికైనా తరలించేందుకు చైనా అన్ని సదుపాయాలతో ఈ శిబిరాలు నిర్మిస్తోంది.
పాక్ విమానాన్ని తరిమికొట్టిన భారత్ సేనలు
మరోవంక, సరిహద్దులలో ఎల్‌ఒసి వెంబడి గగనతలంలో సంచరిస్తున్న పాక్ తేలికపాటి విమానం (క్వాడ్‌క్యాప్టర్)పై భారతీయ సైన్యం కాల్పులు జరిపింది. భారతీయ ప్రాంతంలోకి చొరబడేందుకు ఈ విహంగం యత్నించింది. దీనిని గమనించి వెంటనే పల్లాన్‌వాకా సెక్టార్‌లోని జాగరూకతతో ఉన్న సైన్యం గుర్తించింది.
వెంటనే కాల్పులు జరిపి, దీనిని నేలకూల్చేందుకు ప్రయత్నించారు. అయితే తప్పించుకుని ఈ విమానం పాకిస్థాన్ వైపు వెళ్లిందని వెల్లడైంది. ఈ ప్రాంతంలో భారతీయ సైన్యం కదలికలను పసికట్టేందుకు పాకిస్థాన్ సైనికబలగాలు గుట్టుచప్పుడు కాకుండా ఈ విమానాన్ని పంపించి ఉంటారని అనుమానిస్తున్నారు.
ఇటీవలే జమ్మూ శివార్లలోని భారతీయ వాయుదళ స్థావరంపై పాక్ నుంచి వచ్చిన డ్రోన్లు బాంబులు ఇతరత్రా పేలుడు పదార్థాలను జారవిడ్చాయి. తరువాత కూడా ఈ ప్రాంతంలో పలు డ్రోన్లు గగనతలంలో కన్పిస్తూ వస్తున్నాయి. అయితే ఈసారి డ్రోన్ల స్థాయిని మించి తేలికపాటి విమానాన్ని పాకిస్థాన్ పంపించిందని వెల్లడైంది. ఇప్పటివరకూ డ్రోన్లను పంపించింది పాక్ కేంద్రీకృత ఉగ్రవాదులు. అయితే ఇప్పుడు క్వాడ్‌క్యాప్టర్‌ను పాక్ సైన్యం తరలించిందని స్పష్టం అయింది.
More Stories
హైదరాబాద్ కేంద్ర పాలిత ప్రాంతం అంటూ కేటీఆర్ కొత్త అస్త్రం
రేజర్వేషన్లపై అమిత్ షా `నకిలీ వీడియో’పై ఎఫ్ఐఆర్
20 రోజులు కూడా సమావేశం కాని తెలుగు రాష్ట్రాల అసెంబ్లీలు