ఐక్యరాజ్య సమితి బృందం వెంటిలేటర్ల‌తోపాటు ఆక్సిజన్ ఉత్పత్తి ప్లాంటును కూడా కొనుగోలు చేసింది. అలాగే, యురోసెఫ్ కరోనా వ్యాక్సిన్ కోసం కోల్డ్ చైన్ పరికరాలను కూడా అందిస్తున్న‌ది. మహమ్మారిని ఎదుర్కోవడంలో సహాయపడటానికి వేలాది మంది ప్రజారోగ్య నిపుణులను యూఎన్ నియ‌మించింది.
1,75,000 టీకాల కేంద్రాలను పర్యవేక్షించడానికి యునిసెఫ్, ఐక్యరాజ్యసమితి అభివృద్ధి కార్యక్రమం సహాయం చేస్తున్నాయి. భారతదేశంలో కరోనా వైరస్ ప్రమాదకరమైన పరిస్థితిని యునిసెఫ్ ఎగ్జిక్యూటివ్ డైరెక్టర్ హెన్రిటా ఫోర్ ముందే హెచ్చరించారు.
కరోనా నేప‌థ్యంలో ఈ మధ్యకాలంలో దేశవ్యాప్తంగా తొమ్మిదిన్నర మిలియన్లకు పైగా కరోనా వ్యాక్సిన్ల‌ను పంపిణీ చేయడంలో విమానాశ్రయాలు ప్రత్యేక పాత్ర పోషించాయని భార‌త ఎయిర్‌పోర్ట్ అథారిటీ (ఏఏఐ) పేర్కొన్న‌ది.
టీకా సరుకులను వృధా చేయకుండా ఉండటానికి కలిసి పనిచేయడం, కోల్డ్ చైన్‌ను నిర్వహించడానికి వీలైనంత తక్కువ సమయంలో వాటిని రాష్ట్ర ఆరోగ్య శాఖకు అప్పగిస్తున్న‌ట్లు తెలిపింది. విమానం ల్యాండ్ అయిన మూడు నుంచి 20 నిమిషాల్లోనే వ్యాక్సిన్ల ను సంబంధిత విభాగాలకు అప్పగించేలా చ‌ర్య‌లు తీసుకుంటున్న‌ట్లు ఏఏఐ పేర్కొన్న‌ది.
కాగా, భార‌త్‌లో నెల‌కొన్న కరోనా సంక్షోభంపై యూరోపియ‌న్‌ ఇన్వెస్ట్‌మెంట్ బ్యాంక్ (ఈఐబీ) అధ్యక్షుడు వెర్నర్ హోయెర్ స్పందించారు. ఈయూ బ్యాంక్ సొంత నిధుల నుండి 2,50,000 యూరోలు (రూ.2.22 కోట్లు) భారతదేశానికి అత్యవసర విరాళంగా ప్రకటించారు.
భార‌త్‌లో స‌హాయ కార్య‌క్ర‌మాల కోసం యునిసెఫ్ లక్సెంబర్గ్, రెడ్ క్రాస్ ఇంటర్నేషనల్, మాల్టెసర్ ఇంటర్నేషనల్‌కు ఈ నిధులు అంద‌జేస్తామ‌ని వెల్ల‌డించారు.
మరోవంక, గ్లోబ‌ల్ అల‌యెన్స్ ఫ‌ర్ వ్యాక్సిన్స్ అండ్ ఇమ్యునైజేష‌న్ (Gavi) ఇండియాకు పూర్తి స‌బ్సిడీపై 19 కోట్ల నుంచి 25 కోట్ల కొవిడ్ వ్యాక్సిన్లు, 3 కోట్ల డాల‌ర్ల (సుమారు రూ.220 కోట్లు) నిధులు ఇవ్వ‌నున్న‌ట్లు శుక్ర‌వారం ప్ర‌క‌టించింది. ఈ నిధుల‌ను సాంకేతిక సాయం, కోల్డ్‌చెయిన్ ప‌రిక‌రాలు స‌మ‌కూర్చుకోవ‌డానికి ఇస్తున్న‌ట్లు వెల్ల‌డించింది.
More Stories
హెచ్‌సీఏలో రూ. 20 కోట్ల మోసం.. అజారుద్దీన్‌కు ఈడీ స‌మ‌న్లు
అమెరికా అధ్యక్ష ఎన్నికల్లో మీడియాపై 50 శాతం పెరిగిన దాడులు!
సమంతకు మంత్రి సురేఖ క్షమాపణలు