దేశంలో, ముఖ్యంగా కర్ణాటకలో కరోనా మహమ్మారి విలయతాండవం చేస్తున్న సమయంలో అత్యవసరమైన రోగుల నుండి భారీగా డబ్బు గుంజడం కోసం బెంగుళూరు నగరంలోని పలు ఆసుపత్రులలో నకిలీ పేరులతో పడకలను రిజర్వు చేస్తున్న కుంభకోణాన్ని బిజెపి ఎంపీ, యువమోర్చ జాతీయ అధ్యక్షుడు తేజస్వి సూర్య బహిర్గతం చేశారు. కనీసం 4,065 పడకలను నకిలీ పేర్లతో భర్తీ చేశారని ఆరోపించారు.
సూర్య ఆరోపణలపై స్పందిస్తూ అటువంటి ఆసుపత్రులు, యాజమాన్యాలపై నిర్దాక్షిణ్యంగా ప్రభుత్వం చర్యలు తీసుకొంటుందని ముఖ్యమంత్రి బి ఎస్ యడ్డ్యూరప్ప స్పష్టం చేశారు. ఇందులో ప్రభుత్వం అధికారుల ప్రమేయం ఉన్న వదిలే
ప్రసక్తి లేదని చెప్పారు. ఈ ఆరోపణలపై పోలీస్ క్రైమ్ బ్రాంచ్ విచారణకు ముఖ్యమంత్రి ఆదేశించారు.
ఈ ఆరోపణలపై ఇప్పటికి రెండు కేసులను పోలీసులు నమోదు చేసిన్నట్లు పోలీస్ జాయింట్ కమీషనర్ (క్రైమ్) సందీప్ పాటిల్ తెలిపారు. ఒక మహిళతో సహా ఈ సందర్భంగా ఇప్పటికి ఇద్దరు డాక్టర్లతో సహా ఏడుగురిని పోలీసులు అరెస్ట్ చేసారు. పడకల బుకింగ్ సాఫ్ట్ వేర్ లో గల కొన్ని లోపాలను ఆసరా చేసుకొని ఈ కుంభకోణం జరిగిన్నట్లు పోలీసులు అనుమానిస్తున్నారు.
రాష్ట్రంలో కరోనా తీవ్రరూపం దాల్చడంతో ప్రైవేట్ ఆస్పత్రులలో 80 శాతం పడకలను కరోనా రోగులకు కేటాయించాలని రాష్ట్ర ప్రభుత్వం ఆదేశించింది. ప్రైవేట్ ఆసుపత్రులతో ప్రభుత్వ అధికారులు కుమ్మక్కు కావడంతోనే ఈ కుంభకోణం జరిగినదని సూర్య పేర్కొన్నారు.
ఒక సంఘటనలో 12 ఆసుపత్రులలో ఒకే రోగి పేరుతో పడకలను బుక్ చేసి అవసరమైన వారికి అత్యధిక ధరలకు అమ్ముకున్నారని సూర్య తెలిపారు. సరైన వైద్య సదుపాయం అందుబాటులో లేక కుటుంబాలకు కుటుంబాలే అంతరించి పోతుంటే ఈ విధంగా చేయడం కేవలం అవినీతి మాత్రమే కాదని హత్యలకు పాల్పడటమే అని సూర్య తీవ్ర ఆవేదన వ్యక్తం చేశారు.
“కొంతమంది బిబిఎంపి అధికారులు, ఆరోగ్య మిత్రాస్ (హాస్పిటల్ లైజన్ ఆఫీసర్లు) పడకల కుంభకోణం కోసం లంచం సృష్టించిన కొంతమంది బయటి ఏజెంట్ల నెక్సస్ ఉంది. ఇంట్లో ఉన్న రోగులకు తెలియకుండా లక్షణం లేని రోగుల పేర్లలో పడకలు నిరోధించారు. ఆ తరువాత ఏజెంట్లు అవసరమైన ఉన్న వ్యక్తులతో (పడకల కేటాయింపు కోసం) మాట్లాడతారు. అత్యధికంగా డబ్బు చెల్లించటానికి సిద్ధంగా ఉన్నవారికి పడకలు కేటాయించేటట్లు చేస్తున్నారు ”అని సూర్య వివరించారు.
తరువాత, ఎంపీ బృందం విడుదల చేసిన అనేక వీడియోలలో ఒకటి సూర్య, దక్షణ బెంగళూరు ఎమ్యెల్యేలైన రవి సుబ్రమణ్యం, సతీష్ బీబీఎంపీ దక్షిణ జోన్ వార్ గదిలో పనిచేస్తున్న వారిని ప్రశ్నించారు. ఇక్కడ 17 మంది ముస్లింలు ఉండడాన్నీ ప్రశ్నించారు.
“ఈ వ్యక్తులు ఎవరు? వారిని ఎవ్వరు నియమించారు/ వారిని ఎలా నియమించారు?” అని ఆ వీడియోలో సూర్య ప్రశ్నించారు. “మీరు మదర్సా కోసం లేదా సిటీ కార్పొరేషన్ కోసం ప్రజలను నియమించారా?” అని అందులో సుబ్రహ్మణ్యం ప్రశ్నించారు. “ఇది హజ్ భవన్ జాబితా?” అంటూ సతీష్ రెడ్డి విస్మయం వ్యక్తం చేశారు.
కోవిడ్ పడకల కేటాయింపుపై దాఖలైన పోలీసు ఫిర్యాదులలో 26 ఏళ్ల ఆంథోనీ రాజ్, ఏప్రిల్ 19 న పాజిటివ్ పరీక్షించిన తన తల్లికి రూ .27 వేలు చెల్లించానని చెప్పాడు. ఏప్రిల్ 24 న బిబిఎంపి ద్వారా పడక కేటాయించారు. అతని తల్లి ఆసుపత్రిలో మరణించింది – ఈ సమయంలో అతని తండ్రి కూడా మరణించాడు. అతని ఫిర్యాదు ఆధారంగా, మోసం ఆరోపణలపై పోలీసులు మనీష్ సర్కార్ (27) ను అరెస్ట్ చేశారు.
More Stories
చదువుల్ని లోకకల్యాణం కోసం ఉపయోగించాలి
రిజర్వేషన్లకు ఆర్ఎస్ఎస్ వ్యతిరేకం కాదు
ఒక్క సీటు కోసం ఉగ్ర‌వాద సంస్థ‌కు కాంగ్రెస్ మ‌ద్ద‌తు