‘ఆప్’ ఎమ్మెల్యే సోమనాథ్ భారతికి రెండేళ్ల జైలు 

కేసును విచారించిన కోర్టు ప్రభుత్వ ఆస్తికి నష్టం కలిగించినందుకు గాను సోమనాథ్ భారతిని దోషిగా నిర్ధారించింది. ఐపీసీ సెక్షన్‌ 323, 353, 147 కింద కేసులు నమోదయ్యాయి. సోమనాథ్ భారతిపై నమోదైన అభియోగాలను ప్రాసిక్యూషన్‌ నిరూపించడంతో మేజిస్ట్రేట్‌ ఏకీభవించి తీర్పును వెలువరించారు.  

ఈ కేసులో గరిష్ఠంగా ఐదేళ్ల జైలు శిక్ష పడే అవకాశం ఉండగా, అడిషనల్ చీఫ్ మెట్రోపాలిటన్ మేజిస్ట్రేట్ రవీంద్ర కుమార్ పాండే రెండేళ్ల జైలు శిక్ష, లక్ష రూపాయల జరిమానా విధిస్తూ తీర్పు చెప్పారు. అలాగే, ఇదే కేసులో సహ నిందితులైన జగత్ సైనీ, దిలీప్ ఝా, సందీప్ సోను, రాకేశ్ పాండేలపై తగిన సాక్ష్యాధారాలు లేనందున నిర్దోషులుగా ప్రకటించారు.