‌బెంగాల్‌లో బీజేపీయే అధికారంలోకి వ‌స్తుంది   

ప‌శ్చిమ‌బెంగాల్‌లో బీజేపీయే అధికారంలోకి వ‌స్తుంద‌ని ఆ పార్టీ జాతీయాధ్య‌క్షుడు జ‌గ‌త్ ప్ర‌కాష్ న‌డ్డా భరోసా వ్యక్తం చేశారు. బెంగాల్‌లో అసెంబ్లీ ఎన్నిక‌ల గ‌డువు స‌మీస్తున్న నేప‌థ్యంలో ఇవాళ ఆ రాష్ట్రంలో ప‌ర్య‌టించిన జేపీ న‌డ్డా వ‌ర్ధ‌మాన్ జిల్లాలో రోడ్ షో నిర్వ‌హించారు. ఈ సంద‌ర్భంగా రోడ్ షోకు హాజ‌రైన ప్ర‌జ‌ల‌ను, పార్టీ కార్య‌క‌ర్త‌ల‌ను ఉద్దేశించి న‌డ్డా ప్ర‌సంతీస్తూ వ‌చ్చే అసెంబ్లీ ఎన్నిక‌ల్లో బీజేపీ గెలుపు ఖాయ‌మ‌ని, బీజేపీ అధికారంలోకి వ‌చ్చిన త‌ర్వాత బెంగాల్ రైతుల‌కు అన్ని విధాలా మేలు జ‌రుగుతుంద‌ని చెప్పారు.

అధికార పార్టీ టీఎంసీని గద్దె దించేందుకు ప్రజలు ఉత్సాహం చూపుతున్నారని, ప్రభుత్వాన్ని ఏర్పాటు చేయాలని బీజేపీకి స్వాగతం పలుకుతున్నారని తెలిపారు. నకు ప్రజలు ఎంతో ఆత్మీయంగా స్వాగతం పలికారని, దీనినిబట్టి మమత ప్రభుత్వాన్ని గద్దె దించడానికి ప్రజలు నిర్ణయించుకున్నారని స్పష్టమవుతోందని చెప్పారు.

మ‌మ‌తాజీ..! ఎందుకంత భ‌యం..? ఏం జ‌రిగింది..? అంటూ బెంగాలీ భాష‌లో న‌డ్డా ఎద్దేవా చేశారు. వ‌చ్చే ఎన్నిక‌ల్లో బీజేపీ గెలుపు ఖాయమ‌నే సంకేతాలు అంద‌డంవ‌ల్ల‌నే మ‌మ‌తా బెన‌ర్జి ఆందోళ‌న చెందుతున్నార‌ని ధ్వజమెత్తారు.ప్రజల సంతోషం, విశ్వాసాలను చూసినపుడు తమను ప్రభుత్వ ఏర్పాటుకు స్వాగతించడానికి వారు సిద్ధంగా ఉన్నారని తెలుస్తోందని చెప్పారు.