నూతన వ్యవసాయ చట్టాలపై కేసీఆర్‌ కళ్లు  తెరిచారు 

అయితే ఇప్పటికైనా కేసీఆర్ కళ్లుతెరచి కేంద్రం, భారత పార్లమెంట్ ఆమోదించిన  వ్యవసాయ చట్టాలను  తెలంగాణలో అమలు చేసేందుకు సంకేతాలు  ఇచ్చినందుకు సంతోషం ప్రకటించారు. అంతేకాకుండా తెలంగాణ రాష్ట్రంలో  రైతులకు మరింత లాభం చేకూర్చడానికి అనేక చర్యలు తీసుకోవాలని గతంలో చెప్పామని గుర్తు చేశారు.

తెలంగాణ  రాష్ట్రంలో ఐకేపీ కేంద్రాల  ద్వారా వడ్లతో పాటు  ఇతర ఆహార ఉత్పత్తులను  ఎంఎస్ పి రేటుకు కొనుగోలు చేయాలని మేం చాలాసార్లు డిమాండ్  చేశామని గుర్తు చేశారు. ఈ  ఐకేపీ కేంద్రాల నిర్వహణ లోపభూయిష్టంగా  ఉందని,  కమీషన్, తరుగు పేరుతో 20 శాతం దాకా రైతులకు నష్టం జరుగుతోందని తాము గతంలో అనేక సందర్భాల్లో చెప్పినా మా మాటలు చెవిటివాడి ముందు శంఖం ఊదినట్లే అయిందని విచారం వ్యక్తం చేశారు.

ఇప్పటికైనా రాష్ట్ర ప్రభుత్వం మార్కెట్ యార్డులను సంస్కరించి ఈనామ్ కు అనుసంధానం చేసి రైతులకు మెరుగైన లాభసాటి ధరను కల్పించేందుకు కృషిచేయాలని సంజయ్ డిమాండ్ చేశారు. అంతేకాని మొత్తం భారాన్ని కేంద్రంపై నెట్టి చేతులు దులుపుకుంటే  ఊరుకునేది  లేదని హెచ్చరించారు. రైతులకు  లాభసాటి ధర  కల్పించేందుకు  రాష్ట్ర ప్రభుత్వమే తగు చర్యలు తీసుకోవాలని స్పష్టం చేశారు.

విత్తనాలు  మొదలు అమ్మకాల వరకు తెలంగాణ రాష్ట్ర ప్రభుత్వం సంస్కరణలను అమలు చేయాలని , తద్వారా రైతులకు  మేలైన విత్తనాలు సరసమైన సమకూర్చాలని కోరారు. తెలంగాణ రాష్ట్రంలో వ్యవసాయ విస్తరణాధికారుల  నియామకంతో పాటు, వారు రైతులకు పంటల విషయంలో అవగాహన కల్పించేందుకు సమర్థవంతంగా పనిచేసే  ఏర్పాటును రాష్ట్ర ప్రభుత్వమే చేయాలని సూచించారు.