జనతాదళ్ అధ్యక్ష పదవి నుంచి తప్పుకున్న నితీష్ 

జనతాదళ్(యూ) అధ్యక్ష పదవి నుంచి బీహార్ సీఎం నితీష్ కుమార్ తప్పుకున్నారు. మాజీ ఐఏఎస్ అధికారి, రాజ్యసభ సభ్యులు రామచంద్ర ప్రసాద్ సింగ్ కొత్త అధ్యక్షునిగా ఎంపికయ్యారు. ఆదివారం జరిగిన జాతీయ కార్యవర్గ సమావేశంలో కొత్త అధ్యక్షుని ఎంపిక జరిగింది.

రామచంద్రప్రసాద్ 2010 నుండి రాజ్యసభ సభ్యునిగా ఉంటున్నారు. గతంలో నితీష్ కుమార్ సీఎంగా ఉన్నప్పుడు ప్రభుత్వ ప్రధాన కార్యదర్శిగా పనిచేశారు. ఆయనకు నమ్మినబంటు అన్న పేరు ఉంది.

అందుకే పార్టీ ప్రక్షాళన ప్రస్తావన వస్తుండడంతో తాను తప్పుకుని తన స్థానంలో తనకు ముఖ్యుడైన రామచంద్రప్రసాద్ సింగ్ కు బాధ్యతలు అప్పగిస్తానని సీఎం నితీష్ ప్రతిపాదించగా,  దీన్ని ఇతర సభ్యులు కూడా ఆమోదించారు.