ఎంఐఎం, టీఆర్‌ఎస్‌ విముక్త హైదరాబాద్‌

 బీజేపీ కార్పొరేటర్లు అందరితో కలిసి శుక్రవారం భాగ్యలక్ష్మి అమ్మవారి దర్శనానికి వచ్చి ప్రత్యేక పూజలు నిర్వహించారు.  ఈ సందర్భంగా  ఎప్పటికప్పుడు ప్రజలకు అందుబాటులో ఉంటూనే… అభివృద్ధికి అన్ని విధాలా సహకరిస్తామని నూతన కార్పొరేటర్లు ప్రమాణం చేశారు.

అనంతరం ఆయన మీడియాతో మాట్లాడుతూ  పాత బస్తీకి ‌ సిటీకి మెట్రో రైలు ఎందుకు వద్దంటూన్నారని ఆయన ప్రశ్నించారు. సంఘవిద్రోహ శక్తులకు పాతబస్తీ అడ్డాగా మారిందని ఆరోపించారు. బీజేపీ ఏ మతానికి వ్యతిరేకం కాదని స్పష్టం చేశారు.  కేంద్రం నుంచి రావాల్సిన నిధుల కోసం..తెలంగాణ బీజేపీ సహకరిస్తుందని తెలిపారు.

బీజేపీ కార్పొరేటర్లతో కలిసి వరదసాయం కోసం పోరాటం చేస్తామని చెప్పారు.  ఎన్నికలు అయిపోయాయి.. మరి మేయర్ అభ్యర్థి ఎంపిక ఎందుకు ఆలస్యమవుతోందో సీఎం కేసీఆర్ చెప్పాలని సంజయ్ డిమాండ్ చేశారు. ఇంకా రెండు నెలలు సమయం ఉందని చెబుతున్నారని, అలాంటప్పుడు ఎన్నికలు ముందుగా ఎందుకు నిర్వహించారని ఆయన ప్రశ్నించారు. మేయర్ అవకాశం అధికారపార్టీకి లేదని అంటూ అడ్డ దారిలో గెలవాలని ప్రయత్నం చేస్తోందని బండి సంజయ్ విమర్శించారు.