ప్రస్తుత ఆర్థిక సంవత్సర ప్రథమార్ధం (ఏప్రిల్-సెప్టెంబర్‌)లో దేశవ్యాప్తంగా మద్యం అమ్మకాలు 29 శాతం తగ్గాయి. లాక్‌డౌన్‌ కాలంలో మద్యం అమ్మకాలను పూర్తిగా నిషేధించడం, ఆ తర్వాత కొన్ని రాష్ట్రాల్లో మద్యంపై భారీగా కరోనా పన్ను విధించడం ఇందుకు ప్రధాన కారణం.
దీంతో ఏపీ, ఛత్తీస్‌గఢ్‌, పశ్చిమ బెంగాల్‌, రాజస్థాన్‌ లాంటి రాష్ట్రాల్లో మద్యం అమ్మకాలు గణనీయంగా పడిపోయాయి. ‘దేశీయంగా తయారైన విదేశీ మద్యం (ఐఎంఎఫ్‌ఎల్‌) విక్రయాలు ఈ ఆర్థిక సంవత్సర ప్రథమార్ధంలో 29 శాతం క్షీణించాయి. ఆంధ్రప్రదేశ్‌, ఛత్తీస్‌గఢ్‌, పశ్చిమ బెంగాల్‌, రాజస్థాన్‌ రాష్ట్రాల్లో డిమాండ్‌ తగ్గడం ఇందుకు ప్రధాన కారణం’ అని చెబుతున్నారు.
ఈ రాష్ట్రాలల్లో ఇప్పటికీ మద్యంపై 50 శాతం కరోనా సుంకం విధిస్తుండటంతో అమ్మకాలు దాదాపు 50 శాతం పడిపోయాయని కాన్ఫెడరేషన్‌ ఆఫ్‌ ఇండియన్‌ ఆల్కహాలిక్‌ బేవరేజ్‌ కంపెనీస్‌ (సీఐఏబీసీ) వివరించింది.
ఈ ఆర్థిక సంవత్సర రెండో త్రైమాసికం (జులై-సెప్టెంబర్‌)లో మద్యం విక్రయాలు పెరిగినప్పటికీ తొలి త్రైమాసికం (ఏప్రిల్-జూన్‌)లో లాక్‌డౌన్‌ వల్ల అమ్మకాలు భారీగా క్షీణించాయని తెలిపింది. మద్యంపై కరోనా సుంకాలను విధించని పంజాబ్‌, హర్యానా, ఉత్తరాఖండ్‌, తెలంగాణ, ఉత్తరప్రదేశ్‌ రాస్త్రాలలో అమ్మకాలు పెరిగినట్టు సీఐఏబీసీ వెల్లడించింది.
More Stories
ఏప్రిల్‌లో గరిష్ట స్థాయికి చేరిన జీఎస్‌టీ వసూళ్లు
బాబా రాందేవ్‌కు సుప్రీంకోర్టు ప్రశంసలు
14 ఉత్పత్తుల పతంజలి లైసెన్స్‌ రద్దు