దళాల ఉపసంహరణ ప్రక్రియను పూర్తి చేద్దాం

ప్రస్తుతం అమల్లో ఉన్న ఒప్పందాలు, ప్రోటోకాల్స్‌కు అనుగుణంగా దళాల ఉపసంహరణ ప్రక్రియను పూర్తి చేయడం కోసం ఇరు దేశాలు చాలా సమావేశాలు నిర్వహించాయి. కానీ పాంగాంగ్ సరస్సు డెప్సాంగ్ వంటి ఫ్రిక్షన్ పాయింట్ల వద్ద చైనా దళాల ఉపసంహరణ నిలిచిపోయింది. 

వారానికోసారి నిర్వహించే మీడియా సమావేశంలో శ్రీవాస్తవ మాట్లాడుతూ, పూర్తి స్థాయిలో దళాల ఉపసంహరణ లక్ష్యం దిశగా నిజాయితీగా పని చేసేందుకు చైనా మాతో కలిసి వస్తుందని ఆశిస్తున్నట్లు తెలిపారు. 

ప్రత్యేక ప్రతినిధులు అంగీకరించిన సరిహద్దు ప్రాంతాల్లో శాంతి, ప్రశాంతత పూర్తిగా పునరుద్ధరణ జరిగేందుకు, ఉద్రిక్తతలు తగ్గేందుకు కలిసి రావాలని కోరారు. ద్వైపాక్షిక సంబంధాల అభివృద్ధికి ఇది చాలా అవసరమని స్పష్టం చేశారు.