ఐఏఎస్‌, ఐపీఎస్‌ అధికారులకు రోజుకు 18 గంటల పని

తెలంగాణ ప్రభుత్వంలో ప్రజాప్రతినిధులు, అధికారులు జోడెద్దుల్లా కలిసి పనిచేయాలని చెబుతూ  సమన్వయం లేకపోతే అనుకున్న లక్ష్యం దిశగా వెళ్లలేమని తెలిపారు. ప్రభుత్వ నిర్ణయాలను క్షేత్రస్థాయిలో అమలు చేయాల్సింది అధికారులేనని గుర్తుచేశారు. గ్రామ సభలు ద్వారా అర్హులైన లబ్ధిదారులను గుర్తించాలని సూచించారు. 

అభివృద్ధి అంటే అద్దాల మేడలు, రంగుల గోడలు కాదన్న రేవంత్ రెడ్డి పేదలందరికీ సంక్షేమం అందితేనే అభివృద్ధి అని తెలిపారు. ఇతర రాష్ట్రాల అధికారులు స్థానిక భాష నేర్చుకోవాలని కోరారు. ప్రజలతో గౌరవం ఇచ్చిపుచ్చుకునే ధోరణిలో అధికారులు ఉండాలని సీఎం రేవంత్‌ రెడ్డి చెప్పారు.

ఈ నెల 28 నుంచి జనవరి 6 వరకు గ్రామాల్లో ‘ప్రజాపాలన’ కార్యక్రమం నిర్వహించాలని సీఎం రేవంత్ రెడ్డి అధికారులను ఆదేశించారు. అన్ని గ్రామాలు, మున్సిపల్ వార్డుల్లో ఉదయం 9 గంటల నుంచి సాయంత్రం 5 గంటల వరకు ఈ కార్యక్రమం నిర్వహించి సమస్యలు తెలుసుకోవాలని సూచించారు. గ్రామ సభల ద్వారా లబ్దిదారులను ఎంపిక చేయాలని చెప్పారు.