కెనడాలో భారత విద్యార్థిని దారుణ హత్య 

ఈ నెల 15న ఈ దారుణమైన ఘటన జరిగినట్లు కెనడా పోలీసులు ధృవీకరించారు. విధిపై గుర్తుతెలియని వ్యక్తి కత్తితో దాడి చేసి అక్కడికక్కడే మరణించేలా చేశాడు. అయితే, ఈ హత్యకు గల అసలు కారణాలు ఇంకా తెలియరాలేదు. ఈ ఘోరంపై కేసు నమోదు చేసుకున్న కెనడా పోలీసులు నిందితుడి కోసం గాలింపు చర్యలను ముమ్మరం చేశారు. 

పరారీలో ఉన్న హంతకుడిని పట్టుకునేందుకు ప్రత్యేక బృందాలను రంగంలోకి దించారు. ఇటీవలి కాలంలో కెనడాలో భారతీయులపై దాడులు జరుగుతున్నాయి. భారతీయులు హత్యకు కూడా గురవుతున్నారు. గత ఏడాది డిసెంబర్‌‌లో శివాంక్ అవస్థి అనే 20 ఏళ్ల భారతీయ వైద్య విద్యార్థిని టొరంటోలో కాల్చి చంపారు. 

2025 ఏప్రిల్‌లో హర్‌‌సిమ్రత్ రంధావా అనే 21 ఏళ్ల భారతీయ విద్యార్థి కూడా హత్యకు గురయ్యారు.  రెండు గ్రూపులు కాల్పులు జరుపుకోగా, ఈ ఘటనలో హర్‌‌సిమ్రత్ ప్రాణాలు కోల్పోయారు. 2024 డిసెంబర్‌‌లో కూడా హర్ష్‌దీప్ సింగ్ అంటాల్ కూడా హత్యకు గురయ్యాడు. ఇలా పలువురు భారతీయులు హత్యకు గురవుతుండటంతో కెనడాలోని భారతీయులు ఆందోళన చెందుతున్నారు.