హైదరాబాద్ లో బిజెపి విజయాన్ని అడ్డుకొనేందుకు కాంగ్రెస్ కుట్రలు 

 తెలంగాణ సమాజం ఇప్పుడు కాంగ్రెస్, బీఆర్ఎస్ పార్టీల దోపిడీ పాలనను చూసి విసిగిపోయిందని, ప్రత్యామ్నాయంగా బీజేపీ వైపు చూస్తోందని తెలిపారు. ప్రస్తుత సర్వేలన్నీ బీజేపీ ప్రథమ స్థానంలో ఉందని స్పష్టం చేస్తుండటంతో కాంగ్రెస్, బీఆర్ఎస్ పార్టీలలో వణుకు మొదలైందని స్పష్టం చేశారు.  ప్రజలు బీజేపీపై ఎన్నో ఆశలు పెట్టుకున్నారని, అధికారం ఇవ్వడానికి సిద్ధంగా ఉన్నారని, కాబట్టి కార్యకర్తలు, నాయకులు మరింత ప్రజాక్షేత్రంలోకి వెళ్లాలని పిలుపునిచ్చారు.

డివిజన్ల వారీగా స్థానిక ప్రజా సమస్యలపై, రోడ్ల దుస్థితిపై, అధికార యంత్రాంగం, ప్రభుత్వ వైఫల్యాలపై రోడ్ల మీదకు వచ్చి ఉధృత పోరాటాలు చేయాలని జిల్లా అధ్యక్షుడిని, శ్రేణులను కోరారు.  నిరుద్యోగుల సమస్యలపై మాట్లాడే నైతిక హక్కు బీఆర్ఎస్ పార్టీకి ఎంతమాత్రం లేదని  రాoచందర్ రావు అన్నారు. బీఆర్ఎస్ ఆధ్వర్యంలో నిన్న జరిగిన సభ పూర్తిగా ఫ్లాప్ అయిందని, అందులో అంతా వృద్ధులే కనిపించారని ఎద్దేవా చేశారు. కేసీఆర్ గారు గతంలో ఇంటికో ఉద్యోగం ఇస్తామని చెప్పి మాట తప్పారని, 10 ఏళ్ల పాలనలో గ్రూప్-1 లాంటి కీలక పరీక్షల పేపర్లను లీక్ చేసి నిరుద్యోగుల జీవితాలతో ఆడుకున్నారని ఆరోపించారు.