పదో తరగతి వరకు నచ్చిన విదేశీ భాషను చదువుకోవచ్చు 

ఈ సవరించిన నిబంధన కేవలం భవిష్యత్తులో చేరే విద్యార్థులకు మాత్రమే వర్తిస్తుందని సీబీఎస్‌ఈకి చెందిన ఒక ఉన్నతాధికారి తెలిపారు. “కొత్త భాషా విధానం ప్రకారం కనీసం రెండు భారతీయ భాషలను అభ్యసించాలనే నిబంధన, 6వ తరగతి నుండి భవిష్యత్తులో అమలు చేయబడుతుంది. అంతే తప్ప, ప్రస్తుతం 7 నుండి 9 తరగతుల్లో చదువుతున్న విద్యార్థులకు ఇది గత తేదీ నుండి వర్తించదు,” అని ఆ అధికారి వివరణ ఇచ్చారు.

7-9 తరగతి విద్యార్థులు ఇప్పటికే అభ్యసిస్తున్న విదేశీ భాషలను రెండు సబ్జెక్టులుగా కొనసాగించవచ్చని తెలిపింది.  గతంలో అమలైన విధానం ప్రకారం విద్యార్థులు రెండు విదేశీ భాషలను ఎంచుకునే సౌకర్యం ఉండేది. భారతీయ భాష తప్పనిసరి కాదు. దీంతో కొందరు విద్యార్థులు రెండూ విదేశీ భాషల్నే ఎంచుకున్నారు.  ఇంకొందరు ఒక విదేశీ భాష, ఒక భారతీయ భాష చదువుకునే వారు. కానీ, సీబీఎస్‌ఈ బోర్డు కొత్తగా తెచ్చిన త్రిభాషా విధానం ప్రకారం ఏదైనా ఒక్క విదేశీ భాషను మాత్రమే ఎంచుకోవచ్చు.