టీఎంసీ రెబల్ ఎమ్మెల్యేలతో 23 మంది ఎంపీల మంతనాలు!

పార్టీ బహిష్కృత నేత రితబ్రత బెనర్జీని అసెంబ్లీలో ప్రతిపక్ష నేతగా 57 మంది టీఎంసీలు ఎమ్మెల్యేలు ఇటీవల ఎన్నుకున్నారు. ఆ ఎన్నికను స్పీకర్ రతీంద్ర బోస్ కూడా గుర్తించారు. తిరుగుబాటు ఎమ్మెల్యేలు మమతా బెనర్జీని గౌరవిస్తున్నామని చెబుతూనే, పార్టీ జాతీయ ప్రధాన కార్యదర్శి అభిషేక్ నాయకత్వాన్ని మాత్రం ఒప్పుకునేది లేదని కరాఖండిగా చెబుతున్నారు. తాజాగా టీఎంసీ ఎంపీల్లోనూ అసంతృప్తి పెల్లుబుకుతోంది. అభిషేక్ బెనర్జీ పట్ల పలువురు అసంతృప్తితో ఉన్నారని పార్టీ వర్గాలు చెబుతున్నాయి.

పార్లమెంటరీ ప్రత్యేక కూటమిగా ఏర్పాటేందుకు వీరు చర్చలు జరుపుతున్నారని, 12 మందికి పైగా ఎంపీలు ఇందుకు సముఖంగా ఉన్నారని అంటున్నాయి. టీఎంసీ పార్లమెంటరీ ప్రత్యేక కూటమిగా ఏర్పడేందుకు, చీలక తెచ్చేందుకు తగిన సంఖ్యాబలంపై కూడా చర్చ జరుగుతోందని చెబుతున్నారు. టీఎంసీకి లోక్‌సభలో ప్రస్తుతం 29 మంది ఎంపీలు ఉన్నారు. ప్రత్యేక గ్రూపుగా ఏర్పడి ఫిరాయింపుల చట్టం నుంచి వేటుపడకుండా ఉండాలంటే కనీసం 23 మంది మద్దతు ఇందుకు అవసరమవుతుంది.

రాజ్యసభ పరంగా చూస్తే టీఎంసీకి 13 మంది ఎంపీలున్నారు. ప్రత్యేక గ్రూపుగా గుర్తింపు పొందాలంటే కనీసం 9 మంది ఎంపీలు కలిసిరావాలి. ఈ పరిణామాలపై రెబల్ నేత రీతాబత్ర బెనర్జీని ప్రశ్నించగా, గత వారం రోజుల్లో తాను ఏ ఎంపీతోనూ మాట్లాడలేదని, అందువల్ల వాళ్లు ఏమి చేయాలనుకుంటున్నారో తనకు తెలియదని, అయితే రేపటిరోజు ఏమి జరుగుతుందో ఎవరూ చెప్పలేరని పేర్కొన్నారు.

దీనిపై రాజ్యసభ ఎంపీ సుఖేందర్ శేఖర్ రాయ్ మాట్లాడుతూ, ఇంత తక్కువ సమయంలో 60 మంది ఎమ్మెల్యేలు వెళ్లిపోవడం ఎప్పుడూ చూడలేదని, అదే స్పందన లోక్‌సభలోనూ ఉండే అవకాశాలు లేకపోలేదని భావిస్తున్నారు. రాజ్యసభ ఎంపీ సుఖేందు శేఖర్ రాయ్ మాట్లాడుతూ, ఎగువ సభలో (రాజ్యసభ) పార్టీ పరిస్థితి “సురక్షితంగా” ఉన్నప్పటికీ, లోక్‌సభ విషయంలో మాత్రం అలా చెప్పలేమని తెలిపారు.

“ఇంత తక్కువ వ్యవధిలో దాదాపు 60 మంది ఎమ్మెల్యేలు పార్టీని వీడటం నేనెప్పుడూ చూడలేదు. లోక్‌సభలో కూడా ఇలాంటి పరిణామమే చోటుచేసుకునే అవకాశం ఉంది” అని చెప్పారు.  ఒక సీనియర్ టిఎంసి ఎంపీ మాట్లాడుతూ, “పార్లమెంటరీ పార్టీలో చీలిక అనేది ఇక కేవలం సమయం ఆసన్నం కావడమే మిగిలి ఉంది. ఇప్పటికే దాదాపు 20 మంది ఎంపీలు బీజేపీతో సంప్రదింపులు జరుపుతున్నట్లు మాకు తెలిసింది. ఈ సంఖ్య మరింత పెరగవచ్చు” అని పేర్కొన్నారు.