ధాన్యం కొనుగోలు కేంద్రాలకు బీజేపీ ఎమ్మెల్యేలు, ఎమ్మెల్సీలు, ఎంపీలు

ఈరోజు రాష్ట్ర వ్యాప్తంగా రైతన్నల గోస మనందరికీ కనిపిస్తోందని చెబుతూ రైతుకు భరోసా ఇవ్వడానికి బీజేపీ సిద్ధమైందని  బీజేఎల్పీ నాయకులు ఏలేటి మహేశ్వర్ రెడ్డి తెలిపారు.  సోమవారం నుంచి బీజేపీ ఎల్పీ తరఫున ఎమ్మెల్యేలు, ఎమ్మెల్సీలు రాష్ట్రవ్యాప్తంగా కొనుగోలు కేంద్రాల్లో పర్యటించబోతున్నారని వెల్లడించారు. మొదటిరోజు బిజెపి రాష్ట్ర అధ్యక్షుడు ఎన్.రాంచందర్ రావు సమక్షంలో కొనుగోలు కేంద్రాల్లో పర్యటిస్తామని తెలిపారు.

బీజేపీ ఎమ్మెల్యేలు, ఎమ్మెల్సీలు, ఎంపీలు కలిసి రాష్ట్రంలోని కొనుగోలు కేంద్రాలను పర్యటించి వడ్ల కొనుగోలు ఎంత జరిగింది? జొన్నల కొనుగోలు ఎందుకు ప్రారంభించలేదు? మొక్కజొన్న కొనుగోలు ఎంతవరకు జరిగింది? అన్న విషయాలను ప్రజల ముందుకు తీసుకువస్తారని ఆయన వెల్లడించారు. రైతు సమస్యలను తెలుసుకోవడమే కాకుండా రైతులు పడుతున్న గోస పట్ల బీజేపీ భరోసాగా నిలబడుతుందని ఆయన చెప్పారు.