విదేశీ ప్రయాణాలపై పన్ను కథనం అవాస్తవం

ప్రధాని స్పందన తర్వాత కొద్ది నిమిషాల్లోనే ఆ వార్త సంస్థ క్షమాపణలు తెలిపింది. ఆ కథనం సరైనది కాదని పేర్కొంటూ దానిని ఉపసంహరించుకుంటున్నట్లు ప్రకటించింది. ఈ మేరకు ఆ సంస్థ ఎక్స్​లో పోస్ట్ చేసింది. ‘విదేశీ ప్రయాణాలపై పన్ను, సెస్‌ విధించే అంశాన్ని ప్రభుత్వం పరిశీలిస్తోందన్న మా కథనం సరికాదు. ఆ కథనాన్ని ఉపసంహరించుకుంటున్నాం. జరిగిన తప్పిదానికి చింతిస్తున్నాం’ అని ఆ సంస్థ పేర్కొంది.

ప్రభుత్వ వర్గాలను ఉటంకిస్తూ సీఎన్‌బీసీ-టీవీ18 శుక్రవారం ఈ కధనాన్ని తెలిపింది. విదేశీ ప్రయాణాలపై విధించే పన్ను/సెస్సు/సర్‌చార్జీ నేరుగా కేంద్రానికే చెందుతుందని, విభజించదగిన నిధిగా కాదని సంబంధిత వర్గాలు వెల్లడించాయని పేర్కొన్నది. ఈ ప్రతిపాదనపై అత్యున్నత స్థాయిలో చర్చ జరుగుతున్నట్లు వారు చెప్పారని,  విదేశీ ప్రయాణాలపై విధించే పన్ను/సెస్సు/సర్‌చార్జీ తాత్కాలికంగా ఏడాది పాటు ఉండే అవకాశం ఉందని పేర్కొన్నారని వివరించింది. 

అమెరికా-ఇరాన్‌ ఘర్షణల నేపథ్యంలో పెరిగిన ముడి చమురు ఖర్చులను తగ్గించడానికి ఈ ప్రతిపాదనను పరిశీలిస్తున్నట్లు వారు చెప్పారని తెలిపింది. దీనిపై ఆర్థిక మంత్రిత్వ శాఖ స్పందించలేదని కూడా కథనం పేర్కొంది.