హిమాచల్ సీఎం, మంత్రులు, ఎమ్మెల్యేల జీతాల్లో భారీ కోత

ఆర్థిక పొదుపు విధానం దిశగా అడుగులు వేస్తున్న హిమాచల్ ప్రదేశ్ ప్రభుత్వం ముఖ్యమంత్రి, క్యాబినెట్ మంత్రులు, ఎమ్మెల్యేల జీతాలను ఆరు నెలల పాటు తాత్కాలికంగా వాయిదా వేస్తూ అధికారిక నోటిఫికేషన్ జారీ చేసింది. ఇటీవల అసెంబ్లీలో ప్రవేశపెట్టిన వార్షిక బడ్జెట్‌లో వీటిని ప్రకటించిన ముఖ్యమంత్రి సుఖ్వీందర్ సింగ్ సుఖు రాష్ట్ర ఆర్థిక పరిస్థితి అసాధారణమైన ఆర్థిక సవాళ్లతో కూడుకున్నదని అభివర్ణించారు.

అధికారిక నోటిఫికేషన్ ప్రకారం ముఖ్యమంత్రి జీతంలో 50% , డిప్యూటీ సీఎం, క్యాబినెట్ మంత్రులు, స్పీకర్, డిప్యూటీ స్పీకర్‌ల వేతనంలో 30%, మిగిలిన ఎమ్మెల్యేలందరికీ 20%గా నిర్ణయించారు. ఏప్రిల్ 2026 నుంచి ఆరు నెలల పాటు ఈ నిర్ణయం అమల్లో ఉంటుందని, ఆర్థిక క్రమశిక్షణే తమ లక్ష్యమని ప్రభుత్వం స్పష్టం చేసింది. ప్రజా ప్రతినిధులతో పాటు ఉన్నతాధికారుల వేతనాల్లో 30 శాతం, మధ్యస్థాయి అధికారులకు 20 శాతం తగ్గింపు ఉంటుందని పేర్కొంది.