ఫారూక్‌ అబ్దుల్లాపై హత్యాయత్నం!

ఆ భగవంతుడే తనను రక్షించాడని ఈ సందర్భంగా ఫరూక్‌ అబ్దుల్లా తెలిపారు. వివాహ వేదిక నుంచి వస్తుండగా ఒక్కసారిగా కాల్పుల శబ్దం వచ్చిందని, వెంటనే భద్రతా సిబ్బంది తనను కారులో ఎక్కించి అక్కడినుంచి పంపించేశారని చెప్పారు. సిబ్బంది వెంటనే అప్రమత్తం కావడంవల్లే తాను ఈ ఘటన నుంచి బయటపడగలిగానని పేర్కొంటూ దాడి వెనక ఉద్దేశం ఏమిటనేది తనకు తెలియదని తెలిపారు.

కాగా, ఘటన అనంతరం కేంద్ర హోంమంత్రి అమిత్‌ షా తనకు ఫోన్‌ చేశాడని, క్షేమ సమాచారాలు అడిగి తెలుసుకున్నారని తెలిపారు. ఘటనపై దర్యాప్తు చేస్తామని చెప్పారని వివరించారు. తన తండ్రిపై జరిగిన కాల్పులపై జమ్ము కశ్మీర్‌ ముఖ్యమంత్రి ఒమర్‌ అబ్దుల్లా తీవ్ర దిగ్భ్రాంతి వ్యక్తం చేశారు. జడ్‌ ప్లస్‌, ఎన్‌ఎస్‌జీ రక్షణ ఉన్న ఒక మాజీ ముఖ్యమంత్రిపై ఇలా హత్యాయత్నానికి పాల్పడటం పలు సందేహాలను కలిగిస్తున్నదని తెలిపారు.

ఫరూక్‌పై జరిగిన హత్యాయత్నాన్ని కాంగ్రెస్‌ తీవ్రంగా ఖండించింది. ఈ ప్రాంతంలో శాంతిభద్రతల విషయంపై జమ్మూకశ్మీర్‌ కాంగ్రెస్ కమిటీ అధ్యక్షుడు తారిఖ్‌ హమీద్‌ ఆందోళన వ్యక్తంచేశారు. ప్రభుత్వం చర్యలు తీసుకోవాలని కోరారు.