భారత్‌లోకి ఎయిర్ అంబులెన్సులు

ప్రస్తుతం, దేశవ్యాప్తంగా ఎక్కడైనా జరిగే ప్రమాదాలకు స్పందించడానికి అంబులెన్స్ సేవలను పొందడం కీలకమైన విషయం. కానీ, రోడ్డు మార్గాలు, ట్రాఫిక్, ఇతర అనేక సమస్యల కారణంగా అంబులెన్స్ సేవలు అందించడానికి సమస్యలు ఎదురవుతుంటాయి. ఈ సమస్యను సమర్ధవంతంగా పరిష్కరించడానికి కేంద్ర ప్రభుత్వం ఎయిర్ అంబులెన్సుల సేవలను అందుబాటులోకి తీసుకురావాలని నిర్ణయించింది. 

ఇది అత్యవసర సమయంలో ప్రజలను వేగంగా, సమర్థవంతంగా కాపాడడానికి ఉపయోగపడతుందని భావిస్తున్నారు. అందుకోసమే కేంద్ర ప్రభుత్వం బెంగుళూరుకు చెందిన ఐఐటి మద్రాస్ ఆవిష్కరించిన “ఇంఫ్లేస్” అనే విద్యుత్ విమాన అంకుర పరిశ్రమతో ఒప్పందం  కుదుర్చుకుంది. ఈ ఒప్పందం కింద, 788 ఎలక్ట్రిక్ వర్టికల్ టేకాఫ్, ల్యాండింగ్ ఎయిర్ అంబులెన్సులను తయారుచేయడంలో 100 కోట్ల డాలర్లను పెట్టుబడి పెడుతుంది.

ఈ ఎయిర్ అంబులెన్సులు, ముఖ్యంగా రోడ్డు మార్గాలు కష్టతరం, ట్రాఫిక్ జాం, భౌగోళిక సమస్యలతో పోరాడే ప్రాంతాల్లో ప్రజలకు సేవలు అందించేందుకు ఉపయోగపడతాయి. ఇవి అన్ని జిల్లాల్లో అందుబాటులోకి రావాలని ప్రభుత్వ నిర్ణయం ఉంది. ఈ ఎయిర్ అంబులెన్సులు రన్‌వే అవసరం లేకుండా నిటారుగా టేకాఫ్,  ల్యాండింగ్ చేయగలవు. 

గరిష్ఠంగా 200 కిలోమీటర్ల వేగంతో ప్రయాణించగల ఈ విమానాలు, ఒకసారి ఛార్జ్ చేసినా 110 నుండి 200 కిలోమీటర్ల దూరం ప్రయాణించగలవు. “ఇప్లేన్” సంస్థ ఈ విమానాలను 2026 చివరి త్రైమాసికం  తయారుచేసి ప్రభుత్వానికి అందజేయాలని ప్రణాళిక వేసింది. సంవత్సరానికి 100 అంబులెన్స్ లను అందించేందుకు సిద్దపడుతోంది. 

ఈ ఎయిర్ అంబులెన్సులు వివిధ భౌగోళిక పరిస్థితులకు అనుగుణంగా మూడు రకాల ప్రోటోటైప్స్‌గా రూపొందించబోతున్నాయి. ప్రపంచంలో కొన్ని దేశాల్లో ఇప్పటికే ఈ ఎయిర్ అంబులెన్సులు వినియోగంలో ఉన్నాయి. ఇప్పుడు, భారత ప్రభుత్వం కూడా ఈ సేవలను దేశవ్యాప్తంగా తీసుకురావాలని నిర్ణయించింది. ఈ ఎయిర్ అంబులెన్సులు, అత్యవసర పరిస్థితుల్లో ప్రజల ప్రాణాలను కాపాడేందుకు కీలక పాత్ర పోషించనున్నాయి. 

ముఖ్యంగా మరింత అందుబాటులోకి వచ్చిన ఎయిర్ అంబులెన్సులతో, ఎక్కడైనా, ఎలాంటి ప్రమాదంలో ఉన్నా, ప్రజలకు తక్షణ సహాయం అందించడం సాధ్యమవుతుంది. దేశంలో ఉన్న వివిధ భౌగోళిక పరిస్థితులు, ముఖ్యంగా మారుమూల ప్రాంతాలు, నానాటికి పెరుగుతున్న ట్రాఫిక్ ఇబ్బందులు, రోడ్డు మార్గాలు అందుబాటులో లేని ప్రాంతాలు ఈ సేవలకు మరింత అవసరం ఏర్పడినట్లు చూపిస్తున్నాయి. 

భారత ప్రభుత్వ ఈ నిర్ణయంతో, ఎయిర్ అంబులెన్సులు ప్రజల ప్రాణాలు రక్షించడంలో కీలకపాత్ర పోషించనున్నాయి. ఇది రోడ్డు ఆధారిత ట్రాన్స్‌పోర్ట్ సర్వీసులకు ప్రత్యామ్నాయంగా పనిచేస్తూ, అత్యవసర సందర్భాలలో సమయానికి ప్రాణరక్షణ చర్యలు తీసుకోవడంలో సహాయపడుతుంది.