భార‌త రాజ్యాంగ నిర్మాణంలో సెక్యుల‌రిజం కూడా భాగ‌మే

రాజ్యాంగంలో పేర్కొన్న సమానత్వం, సౌభ్రాతృత్వం అనే పదం, పార్ట్‌ III పార్ట్‌ కింద ఉన్న హక్కులను పరిశీలిస్తే రాజ్యాంగం ప్రధాన లక్షణం లౌకికవాదం అనే స్పష్టమైన సూచననిస్తుందని తెలిపారు. భారత్‌ లౌకిక రాజ్యంగా ఉండాలని మీరు కోరుకోవడం లేదా? అని పిటిషనర్లను ప్రశ్నించారు. పిటిషనర్లు సవరణను సవాలు చేస్తున్నారు కానీ భారత్‌ సెక్యులర్‌ అని పిటిషన్లు వివాదం చేయడం లేదని సింగ్‌ తరపు న్యాయవాది విష్ణు శంకర్‌ పేర్కొన్నారు. ప్రవేశిక 1949 డిక్లరేషన్‌గా ఉన్నందున సవరణ ఏకపక్షమని స్వామి వాదించారు. భారత్‌ ఎల్లప్పుడూ లౌకికదేశంగానే ఉంటుందని ఉపాధ్యాయ పేర్కొన్నారు.

సవరణ ద్వారా చేర్చిన పదాలు బ్రాకెట్స్‌లో ప్రత్యేకంగా మార్క్‌ చేశారని జస్టిస్‌ ఖన్నా పేర్కొన్నారు. దీంతో 1976 సవరణ ద్వారానే ఈ పదాలను చేర్చారని ప్రతి ఒక్కరికి స్పష్టంగా అర్థమౌతుందని చెప్పారు. ఐక్యత, దేశ సమగ్రత పదాలను కూడా సవరణల ద్వారానే చేర్చారని సూచించారు. ఈ పిటిషన్‌పై తదుపరి విచారణను నవంబర్‌ మూడోవారానికి జాబితా చేశారు.