బలవంతపు మతమార్పిడుల నిరోధక (సవరణ) బిల్లు-2024కు ఉత్తరప్రదేశ్ అసెంబ్లీ మంగళవారంనాడు ఆమోదం తెలిపింది. దీనిని లవ్ జిహాద్ వ్యతిరేక చట్టం అని కూడా పిలుస్తారు, సోమవారంనాడు ఈ బిల్లును లోక్‌సభలో ప్రవేశపెట్టగా ఈరోజు సభ ఆమోదించింది. సవరించిన బిల్లు ప్రకారం మోసపూరిత వివాహాలు, ఇతర మార్గాల ద్వారా మతిమార్పిడికి పాల్పడే వారికి శిక్ష శిక్ష మరింత పెరగనుంది. ఇలాంటి వారికి గరిష్టంగా యావజ్జీవ జైలుశిక్ష పడుతుంది.

సవరించిన నిబంధనల ప్రకారం మతమార్పిడి ఉద్దేశంతో మైనర్లను, ఇతరులను బెదిరించడం, దాడులు చేయడం, వివాహం చేసుకోవడం, వివాహం చేసుకుంటామని వాగ్దానం చేయడం వంటి చర్యలకు ఎవరు పాల్పడినా అది తీవ్ర నేరంగా పరిగణిస్తారు. అలాంటి కేసుల్లో 20 ఏళ్లు జైలు కానీ యావజ్జీవ కారాగార శిక్ష కానీ విధిస్తారు. 

గతంలో ఇలాంటి నేరాలకు పాల్పడన వారికి పదేళ్ల జైలు, రూ.50,00 జరిమానా ఉండేది. సవరించిన నిబంధనల ప్రకారం ఎవరైనా సరే కన్వర్షన్ కేసుల్లో ఎఫ్ఐఆర్ నమోదు చేయవచ్చు. గతంలో ఇలాంటి కేసుల్లో సమాచారం కానీ, ఫిర్యాదు కానీ బాధితులు, తల్లిదండ్రులు, తోబుట్టువుల సమక్షంలోనే ఇవ్వాల్సి ఉండేది. 

ఇప్పుడు ఎవరైనా సరే లిఖితపూర్వకంగా పోలీసులకు సమాచారం ఇస్తే సరిపోతుంది. ఇలాంటి కేసుల విచారణను సెషన్స్ కోర్టు కంటే దిగువ కోర్టులు చేపట్టరాదు. పబ్లిక్ ప్రాసిక్యూటర్ లేకుండా బెయిల్ అభ్యర్థలను పరిశీలించరాదు. ఇవన్నీ నాన్-బెయిలబుల్ కేసులుగా పరిగణిస్తారు.

నవంబర్ 2020లో దీని కోసం ఆర్డినెన్స్ జారీ చేయగా,  తరువాత, ఉత్తరప్రదేశ్ శాసనసభ ఉభయ సభలు బిల్లును ఆమోదించిన తర్వాత, ఉత్తరప్రదేశ్ చట్టవిరుద్ధమైన మత మార్పిడి నిషేధ చట్టం-2021 అమలులోకి వచ్చింది. పార్లమెంటరీ వ్యవహారాల మంత్రి సురేశ్ ఖన్నా సోమవారం బిల్లును సభలో ప్రవేశపెట్టారు.

అయితే, మతపరమైన రాజకీయాల ద్వారా ప్రజల దృష్టిని మళ్లించేందుకు ప్రయత్నిస్తున్నారని ఆరోపిస్తూ, చట్టవిరుద్ధమైన మత మార్పిడి చట్టాన్ని సవరించడానికి ఉద్దేశించిన బిల్లుపై ప్రతిపక్షాలు ఉత్తరప్రదేశ్ ప్రభుత్వాన్ని నిందించాయి. బిల్లు గురించి అడిగినప్పుడు పార్లమెంటు వెలుపల విలేకరులతో సమాజ్‌వాదీ పార్టీ అధినేత అఖిలేష్ యాదవ్ మాట్లాడుతూ, “ఇంకేం ఉంది, వారు కొత్తగా ఏమీ చేయడం లేదు. మత రాజకీయాల ద్వారా ప్రజల దృష్టి మరల్చేందుకు ప్రయత్నిస్తున్నారు” అంటూ ఆరోపించారు.

సమాజ్ వాదీ పార్టీతోనే మహిళల భద్రతకు తీవ్ర ముప్పు