మోదీ నాయకత్వంలో సమర్థవంతంగా పనిచేస్తాం

2014కు ముందు దేశంలో విద్యుత్ కోతలుండేవని, అయితే నరేంద్ర మోదీ వచ్చాక బొగ్గు ఉత్పత్తి పెంచడం ద్వారా విద్యుత్ కోతల్లేని దేశంగా నిర్మించారని కేంద్ర మంత్రి చెప్పారు. ఈ దిశగా బొగ్గు కొరత లేకుండా.. మరింత విద్యుదుత్పత్తి పెంచడంపై దృష్టి సారిస్తామని స్పష్టం చేశారు. 

దేశమంతా విద్యుత్ డిమాండ్ పెరుగుతోందని చెబుతూ వ్యవసాయం, పరిశ్రమలు, గృహ వినియోగం రంగాల్లో డిమాండ్ పెరుగుతోందని తెలిపారు. యూపీఏ హయాంలో బొగ్గు రంగంలో ఎన్నో కుంభకోణాలు జరిగాయని, అయితే, మోదీ వచ్చాక పారదర్శకమైన విధానాలు తీసుకొచ్చి.. బొగ్గు తవ్వకం, సరఫరా, వినియోగం విషయంలో అవినీతి లేకుండా పనిచేశామని వివరించారు.