ఈనెల 12న సీఎంగా చంద్రబాబు ప్రమాణస్వీకారం!

బీజేపీ పార్లమెంటరీ భేటీ తర్వాత, మరోసారి ఎన్డీఏ నేతల సమావేశం కావాలని నిర్ణయించారు. ఈ సమావేశానికి ఎన్డీఏ భేటీకి కూటమిలోని ఎంపీలంతా హాజరుకావాలని నిర్ణయించారు. ఎల్లుండి రాష్ట్రపతి ముర్మును కలిసి ఎన్డీఏ ప్రభుత్వ ఏర్పాటుకు ఆహ్వానించాలని కోరనున్నారు.  అందులో భాగంగా ఈ నెల 8 లేదా 9న ప్రధాని ప్రమాణస్వీకార కార్యక్రమం ఉంటుందని, ఆ కార్యక్రమం అనంతరం చంద్రబాబు ప్రమాణస్వీకారం చేయనున్నట్లు టీడీపీ వర్గాలు వెల్లడించాయి.

బీజేపీ నుంచి ఇద్దరికి మంత్రివర్గంలో చోటు దక్కేలా ఉందన్న భావన వ్యక్తమవుతోంది. జనసేన, బిజెపిలకు ప్రాతినిధ్యం ఇచ్చిన తర్వాత టిడిపి నుండి 20 మందికి మించి మంత్రి పదవులు దక్కే అవకాశం లేదు. అంటే సుమారుగా ప్రతి 15 మంది ఎమ్యెల్యేలలో ఒకరికి అవకాశం లభిస్తుంది. దానితో మంత్రి పదవులకు తీవ్రమైన పోయి నెలకొనే అవకాశం ఉంది. అదేవిధంగా సీనియర్లను సహితం పూర్తిగా విస్మరించలేని పరిస్థితులు నెలకొన్నాయి.