సీఎం జగన్ కు ఈసీ నోటీసులు

చంద్రబాబును అరుంధతి సినిమాలో పసుపతితో పోల్చుతూ సీఎం జగన్ వ్యగ్యంగా వ్యాఖ్యలు చేశారని ఈ తప్పుడు ఆరోపణలు ప్రజల్లోకి వెళ్లే ప్రమాద ముందని సీఈఓ మీనాకు వివరించారు. జగన్ వ్యాఖ్యలపై టీడీపీ నేతలు తీవ్ర అభ్యంతరం వ్యక్తం చేశారు. 

అలాగే వలంటీర్లను విధులకు దూరం పెట్టడం వల్ల రెండు రోజుల్లోనే 31 మంది చనిపోయారని.. అందుకే చంద్రబాబును హంతకుడని జగన్ విమర్శించారు. జగన్ చేసిన ఆరోపణలపై ఎన్నికల సంఘం సీరియస్ అయింది. ఏప్రిల్ మూడో తేదీన చిత్తూరు జిల్లా పూతలపట్టులో జరిగిన మేమంతా సిద్ధం సభలో చంద్రబాబుపై జగన్ చేసిన వ్యాఖ్యలపై ప్రధానంగా ఫిర్యాదు చేశారు.

అరుంధతి సినిమాలో సమాధి నుంచి లేచివచ్చిన పశుపతిలా.. ఐదేళ్ల తర్వాత అధికారం కోసం పసుపుపతి వస్తున్నారంటూ చంద్రబాబుపై జగన్ విమర్శలు గుప్పించారు. అలాగే చంద్రముఖిలా లకలక అంటూ రక్తం పీల్చేందుకు రెడీ అయ్యారని, నేరాలు చేయడం చంద్రబాబుకు అలవాటేనని జగన్ తన ప్రసంగాల్లో చంద్రబాబుపై విమర్శలు చేస్తూ వస్తున్నారు.