3 నెలల్లో పాక్‌లో 245 ఉగ్ర దాడులు

పాకిస్తాన్‌లో ఈ ఏడాది మొదటి మూడు నెలల్లో 245 ఉగ్ర దాడులు, ఉగ్రవాద నిరోధక చర్యలు చోటు చేసుకున్నాయని, పౌరులు, భద్రత సిబ్బంది, రెబెల్స్ 432 మంది మరణించారని, 370 మంది గాయపడ్డారని ఒక మేధోవర్గం నివేదిక వెల్లడించింది.  పరిశోధన, భద్రత అధ్యయనాల కేంద్రం (సిఆర్‌ఎస్‌ఎస్) విడుదల చేసిన భద్రత నివేదిక ప్రకారం, ఆ కాలంలో మరణాలలో 92 శాతం పైగా, దాడుల్లో (ఉగ్రవాద ఘటనలు, భద్రత దళాల చర్యలతో సహా) 86 శాతం ఆఫ్ఘనిస్తాన్ సరిహద్దులోని ఖైబర్ ఫఖ్తూన్‌ఖ్వా (కెపి) బలోచిస్తాన్ ప్రావిన్స్‌లలో చోటు చేసుకున్నాయి. 

గుల్ బహదూర్ గ్రూప్‌నకు అనుబంధితమైన జభత్ అన్సార్ అల్ మహ్ది ఖొరాసన్ (జెఎఎంకె) అనే కొత్త తీవ్రవాద వర్గం ఆవిర్భవించింది. ఉగ్ర దాడులు, ఉగ్రవాద నిరోధక చర్యల వల్ల మరణాలకు అదనంగా ప్రభుత్వ, రాజకీయ నాయకులు, ప్రైవేట్, భద్రత సంస్థల ఆస్తులు లక్షంగా పాకిస్తాన్‌లో 64 విధ్వంసక సంఘటనలు చోటు చేసుకున్నాయి.

మొదటి త్రైమాసికంలో, బలూచిస్తాన్ హింసాత్మక ఘటనలు 96 శాతం పెరుగుదల నమోదయ్యాయి. 2023 చివరి త్రైమాసికంలో మరణాలు 91 నుండి 178కి పెరిగాయి. సింధ్ హింసలో దాదాపు 47 శాతం పెరుగుదల కనిపించింది, అయితే మరణాల సంఖ్య చాలా తక్కువగా ఉంది. అయినప్పటికీ,  ఖైబర్ పఖ్తున్ఖ్వా పంజాబ్, గిల్గిట్- బాల్టిస్తాన్(జిబి) ప్రాంతాలలో హింసాత్మకంగా వరుసగా 24 శాతం, 85 శాతం, 65 శాతం తగ్గుదల ప్రోత్సాహకరంగా నమోదైంది.