డీకే విందు భేటీకి మాజీ కేంద్ర మంత్రి దిగ్విజయ్‌ సింగ్‌, కాంగ్రెస్ నేత అజయ్‌ మాకెన్‌ కూడా హాజరయ్యారు. లోక్‌సభ ఎన్నికలపై చర్చించామని, అభ్యర్థుల జాబితాను త్వరలో విడుదల చేయాల్సిన అవసరం ఉన్నదని హోంమంత్రి జీ పరమేశ్వర్‌ పేర్కొన్నారు. అభ్యర్థుల ఎంపికపై పార్టీ స్క్రీనింగ్‌ కమిటీ ఇప్పటికే పలు రౌండ్ల చర్చలు జరిపిందని, మరో భేటీ అనంతరం తుది జాబితా సెంట్రల్‌ ఎలక్షన్‌ కమిటీ వద్దకు వెళ్తుందని తెలిపారు.
సమావేశానికి హాజరైన మంత్రులతో సీఎం సిద్ధరామయ్య, ఉపముఖ్యమంత్రి డీకే శివకుమార్‌ సంబంధిత లోక్‌సభ స్థానాలు, అభ్యర్థిత్వం అంశాలపై వేర్వేరుగా చర్చలు జరిపినట్టు సమాచారం. రాష్ట్రంలోని 28 లోక్‌సభ స్థానాలకు కనీసం 20 మందిని గెలిపించడం ద్వారా తమ పదవులను ఎన్నికల తర్వాత కూడా పదిలం చేసుకోవాలనే ఆలోచనలో వారిద్దరు ఉన్నారని కాంగ్రెస్ నేత ఒకరు పేర్కొన్నారు.
కాగా, మంత్రి మహదేవప్పను చామరాజనగర్‌ లోక్‌సభ స్థానం నుంచి పొటీచేయాలని సీఎం సిద్ధరామయ్య, డీకే శివకుమార్‌ అంతకుముందు పట్టుబట్టినట్టు తెలిసింది. అయితే ఇందుకు విముఖత వ్యక్తం చేసిన మహదేవప్ప వారిద్దరికీ ఇటీవల వ్యంగ్యంగా సమాధానం ఇచ్చారు. ‘సీఎం, డిప్యూటీ సీఎం ఇద్దరూ లోక్‌సభ ఎన్నికల్లో పోటీచేయాలి. ముఖ్యంగా రెండో వ్యక్తికి(డీకే) ఎక్కువగా అవకాశం ఉంటుంది’ అంటూ ఎద్దేవా చేశారు. ఇక పీడబ్ల్యూడీ మంత్రిగా ఉన్న సతీశ్‌ జార్కిహోళిని బెళగావి లోక్‌సభ స్థానం నుంచి పోటీచేయాలని రాష్ట్ర పార్టీ కోరినట్టు ప్రచారం జరుగుతున్నది.
More Stories
చదువుల్ని లోకకల్యాణం కోసం ఉపయోగించాలి
రిజర్వేషన్లకు ఆర్ఎస్ఎస్ వ్యతిరేకం కాదు
ఒక్క సీటు కోసం ఉగ్ర‌వాద సంస్థ‌కు కాంగ్రెస్ మ‌ద్ద‌తు